Yowelo 3:2 - Amazwi Yakwe Leza 2013

² indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Yowelo 3:2 交叉參考

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Ezaya 66:16

Antu yonsi pano nsi yano ndazana nu mulandu, ndayafulula ku moto nu ku lupanga nu kufwa aingi yalafwa.”

Ezekelo 38:22

Ndamupezya uku mpungo. Nupya ndaleka ukuti kukaye uwanisi uwa kuzwisyanya uwazi. Umweneco kwene Gogi, pamwi ni vita vyakwe, na antu ya mitundi iingi yano yalaya nawe, yonsi ndayatumila icifutika ni mvula ya mawe, nu munyeswa nga na yamunyela ya moto.

Umbwilo 16:16

Alino mipasi ikonganika yakateeka pa ncende ino mu Ciyebulai yakati Alamagedoni.

Yowelo 3:12

“‘Antu amu mitundu yonsi yaiteyanye nga yize ku Cifoloma ca Yeosafati. Kuku kwene akuli kuno ne Yawe ndapingula antu amu mitundu yonsi ukufuma ku ntunga zyonsi.

Ezekelo 39:11

Yawe wavwanga wati, “Lino vii vyonsi vyapita, ndapeela Gogi incende imwi ilumbukisye mu ina Izlaeli, umwakumuzika, umukonko wa Abalimu, uukacilikila alendo, uku ufumondaka wakwe Yemba wa Musilya. Ali kuno yalazika Gogi pamwi ni umba lyakwe lyonsi. Ulaamwa nu kuti cifoloma ca Hamoni Gogi.

Ezekelo 35:10

“Pamulandu wakuti wanenyile inko ziili, Izlaeli na Yuda, uti mwemwe mpanga zyane tumamupoka, nanti angala mwikala ne Yawe.

Yelemiya 25:31

Alino cilulumo cakwe cuvwika mpaka nu kumpelelekezyo ya nsi. Pano Yawe akusinila imitundu ino yaleta antu yonsi uku cilye. Aipe alayapingwila ukukomwa.” Ivyalanda ne Yawe.

Umbwilo 20:8

Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Ezekelo 25:8

Yawe Simwandalali wavwanga wati, “Pamulandu wakuti aina Moabu na ina Seili yakavwanga ukuti aina Yuda yalingana sile na antu ya mitundu yuze yonsi,

Yelemiya 49:1

Apa mulandu na ina Amoni, Yawe wavwanga wati, “Uzye Izlaeli atakwata ana aonsi? Uzye atakwata impyanyi? Icani fwandi cino Mikilomu wapyanyile Gadi? Icani cino antu ya mutundu wakwe ikalile umu misumba iyaya mwenemo?

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

2 Milandu 20:26

Pa wanda uwalenga yani, iyakongana uku Cifoloma ca Belaka, akuno iyacindika Yawe. Uli mulandu uno ukufika na ndakai icifoloma cici cicili cikaamwa ukuti Belaka.

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Ezekelo 34:6

Uli mulandu kwene uno ufyo wane ukalulumba sile mpanga yonsi, mu myamba na pa twamba tusanzame. Ali cino zyasansantike mpanga yonsi, ukwaula nanti wenga uwakuti azisakamale nanti kwezya kuzilonda.

Ezekelo 36:1

Yawe anena ati, “We mwana wa muntu, sema ku myamba ya Izlaeli pakuti yuvwe amazwi,

Yowelo 3:14

Amaumba na maumba ya antu yali mu Cifoloma ca Upinguzi. Pano Uwanda wakwe Yawe watiupalama apipi mu Cifoloma ca Upinguzi.

Mika 4:12

Lelo antu yayo yatamanya ukwelenganya kwakwe Yawe, nupya yatiluka ukuti yayakonganika kuti yavunukwe, wakwe vino imyanzi ya ngano ikakolonganikwa apa lwano.