Yowelo 3:1 - Amazwi Yakwe Leza 2013

¹ Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Yowelo 3:1 交叉參考

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Masamu 85:1

We Yawe, wapolelela impanga yako, wati kuleka nu kuti yamwana Yakobo yasyuke nupya.

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Masamu 14:7

Endi, ufyusi wakwe Izlaeli si ule ufume sile uku Zioni. Lino Yawe alaswilizya antu yakwe kumwao, ali lino Yakobo alazanga na Izlaeli alasansamuka wakwe cimwi.

Ezekelo 16:53

Nalyuze Yawe wanenyile Yelusalemu ati, “Nemo ndalenga ukuti Sodoma ace asyuke pamwi na ana yakwe, na Samaliya nawe kwene akasyuke nupya, pamwi na antu. Icacumi, nawe kwene we Yelusalemu ndalenga ukuti ukasyuke nalyuze.

Yowelo 2:29

Endi, na pa yaomvi yane kwene, aonsi pali pamwi na anaci, ndapongolwela Mupasi wane mu manda yayo, nga nao yalasema.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Mapinda 1:23

Sumbiniko amano kuli vino namamukonkomezya, namamwitulwila ivyaya muli tompwe wane, nu kumumanyisya vino naya nu kumunena.

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.