6 Antu ya mitundu yuze pasi pa ntete ndi yalola imiyele yao. Nga ni vinso vyao ivikwatisya intete ivyazakaza.
Umusumba wa Ninive ononeka, wasanguka waya itongwa ilyaula antu. Imyenzo yaluluka uku ntete, na makokola yakuzakaza. Umu nteo monsi mwamyalala, ni vinso vyapona uku masakamiko.
Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.
Tala tekelini, muzyeko! Uzye umonsi angavyala umwana? Uzye pacani fwandi nkulola kuno umonsi ali wensi watalema mu musana wa mwanaci wino ali pipi nu kulela? Uzye pacani cino amausyu yao yatiyasenukila vii nu kuswepuluka?
Lyene impini zyao zyafita fititi wa makala. Nu mu miseo yasimanyikwa foo. Inkowa zyao zyalematila uku mafupa yao, zyumilila na ndi wa vimiti
Lyene nemo ne Yelemiya ala cikumbaya wakwe cimwi ku mwenzo pamulandu wakuti antu yane yaculisya. Nemo nkulosya, caticimputula nu musana.
Nkoline sile wa nyambi yakwe waini itakweti umulimo, lelo nemo ntilila amasunde yako.
Uzye lyene umusumba ulya uli kwi? Wene wakoline wa ninga yakwe yacisama, muno yalisyanga ana yao. Mumo muno yacisama kumwi na ana yao yayanga ukwaula ukoopa cimwi.
