Yowelo 2:11 - Amazwi Yakwe Leza 2013

¹¹ Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Yowelo 2:11 交叉參考

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Umbwilo 6:17

Pano wanda wa ukali wao wati wiza, uzye lyene aweni angimilila?”

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Amosi 5:20

Uzye uwanda wakwe Yawe utalaleta sile imfinzi itupu, ukwaula kuleta uluswepo foo?

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yelemiya 50:34

Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”

Ezaya 42:13

Yawe akacincila wi lumba apakuya ku kulwa, wene waiteyanya nu muzonda wa cita. Wene alapunda izwi lyakukatusya ulwi. Alalanga amaka yakwe apa kucimvya anisi yakwe.

Ezaya 13:4

Kutikini icongo ukufuma pa myamba. Iciunda ci umba likalamba! Ni ca mawene yano yatiyakongana. Yawe Wamaka yonsi akuteyanya impuka zya vita.

Mpendwa 24:23

Alino nupya Balamu asema usemo uu: “Owe! Uzye aweni angapusuka lino Leza wacita camusango uu?

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yelemiya 25:30

“Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Amosi 5:18

Kalanda kunomuli mwemuno mukalonda uwanda wakwe Yawe! Uzye uwanda kwene uo umukwatile muzano cii? Uwanda uo ulaya uwanda wa mfinzi kunomuli, asi uwanda wa luswepo awe.

Amosi 1:2

Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Ezekelo 22:14

Lino ndakupezya uzye wemo ukuti ulayumilizya nanti kuzyansya? Ne Yawe natindanda, nu kucita ndacicita.

Ezaya 7:18

“Mu wanda ulya Yawe alakuwa umuluvi apa kwama aina Eguputo. Alino nayo yaliza wa nsazi ukufuma mu tunguzi twa patali utukaitila mu luzi lwa Nailo. Nupya alakuwa umuluvi uwakwama aina Asilya. Nayo yaliiza yakuumbe ungati inzimu ukufuma ku mpanga yao.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

Yowelo 1:6

Imikumbi yakwe makanta yatipona muno nsi, cikuloleka icamaka sana nupya citangapendwa. Amino yakwe yali wa mino yakwe cisama uwakalume. Amino yakwe yakalipa wa mino yakwe cisama uwakaci.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Yowelo 3:14

Amaumba na maumba ya antu yali mu Cifoloma ca Upinguzi. Pano Uwanda wakwe Yawe watiupalama apipi mu Cifoloma ca Upinguzi.

Obadiya 1:15

Wanda wakwe Yawe ukwiza zuwa, lilyo lino wene alapingula imitundu yonsi ya antu. Mwe ina Edomu, vino mwacitila auzo avino mulacitilwa. Vino mwacisile ivilamuwelela.

Masamu 18:14

Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.