Yowelo 2:10 - Amazwi Yakwe Leza 2013

¹⁰ Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Yowelo 2:10 交叉參考

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Masamu 18:7

Lyene insi ali pakusunkana nu kutenta. Amasinte ya myamba pasi pakutelengana apamulandu nu kali wakwe Leza.

Milimo 2:20

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi uwa Mwene utacili ufike.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Yelemiya 4:23

Lino nalolekesya insi, indola ukuti itakweti umwata nupya iyaulwamo akantu. Nga ndolekesya umwiyulu, namo musi uluswepo.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Naumi 1:5

Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Masamu 114:7

Tenta we nsi, pano Mwene wiza, tenta apa manso yakwe Leza wakwe Yakobo.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 9:2

Lutanda luyula ciwina caula impela, nga mufuma cunsi cikulu wa cunsi ca mwi lungu likulu. Nga ilanzi nu lwelele vifita fititi ku vyunsi vino vyafumanga mu ciwina caula impela.

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.