Yoswa 8:1 - Amazwi Yakwe Leza 2013

¹ Lyene Yawe anena Yoswa ati, “Utuvwa intete nanti ukutonsiwa. Senda ivita vyonsi, nga mupite ku kuzanza umusumba wa Ai. Pasi pano natimpeela umwene waku Ai mu makasa yako, kumwi na antu yakwe, umusumba wakwe nga ni mpanga yakwe.

Yoswa 8:1 交叉參考

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Malango 7:18

Mutakezye ukuyoopa. Mwiusye vino Yawe wacisile kuli Falao nu ku antu yakwe yonsi.

Malango 1:21

Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’

Yoswa 6:2

Lyene Yawe anena Yoswa ati, “Lola, Natimpeela umusumba wa Yeliko nu mwene wauko nga ni vita vyakweo mu makasa yako. Wewe kumwi ni vita vyako mulinzile ukupita nu kuzinguluka umusumba ulya iila lyonga. Mulinzile ukucita ci pa manda mutanda.

Malango 31:8

Yawe umwisikuli amamukolelelanga nupya amayanga namwe. Atalatala amusye nanti ukumutazyela. Mutuvwa intete nanti kutovoka.”

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Yelemiya 46:27

Lelo wemo we muomvi wane Yakobo, utoopa, utazakaza, we Izlaeli. Pano apanondi namakupususya uku mpanga zya kutali, alino napakufumya ana yako mu mpanga ya uzya wao. Yakobo alikala umu mutende nga kutalaya uwakumucuzya nupya.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Yoswa 10:7

Acino Yoswa pamwi ni vita vyakwe vyonsi, ukwikapo na asilika yakwe yonsi azwangane, iyatandika ulendo ukufuma ku Giligali.

Yoswa 10:8

Yawe anena Yoswa ati, “Utayoopa awe, pasi pano natinjapeela mu makasa yako. Kusi umwi munoyali amakuposya.”

Yelemiya 49:3

“Mwe ina Hesyiboni, losyini! Ai wataononwa! Mwe anaci amu Laba, pundini muipombelekezye ivisamu mu misana. Losyini, mwalukuzeuluka kuu na kuu, mukasi ki liinga. Pasi pano lyene Milikomu akuya umu uzya, kumwi na yasimapepo ni ntunguluzi zyakwe.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”