Yoswa 7:2 - Amazwi Yakwe Leza 2013

² Yoswa apali pakutuma antu yamwi ukufuma ku Yeliko iyaya ku Ai, pipi nu ku Beti Aveni lwaku ufumondaka waku Betele, nga ayanena ati, “Pitangini mutumbele mukalengule impanga ilya.” Acino antu yalya iyapita iyaya yalengula umusumba wa Ai.

Yoswa 7:2 交叉參考

Yoswa 18:12

Ku lusansa lwaku katutu kakwe Yeliko nga nu ku uwondaka nu kutentemukila kwisika, ukupita mu mpanga ya myamba ukuponela mu lwanga lwaku Betaveni.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

1 Samueli 14:23

Uwanda ulya Yawe watuuzile aina Izlaeli, nga ulwi nao watantalile ukupuzya nu ku Beti Aveni.

1 Samueli 13:5

Aina Filisti nayo iyakongana ku kulwa na ina Izlaeli, yala yakweti amaceleta amazimbi yatatu, na asilika amu maceleta nayo amazimbi mutanda, nga ni vita ivivule wa musensenga uwamu nkumba yakwe yemba. Iyatumbela iyaya yakuula insakwe ku Mikimasyi, lwaku ufumondaka wa Betaveni.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mapinda 24:6

Pano umuntu apakulwisya inkondo, suka watala wapandwa amano, angamwazwa ukucimvya.

Mapinda 20:18

Uwatala upima amapange yako apa kuuzya yauze, utalwisya inkondo yako we mweneco, apa kutungululwa na mano yako.

Utandiko 12:8

Nga Abulamu afumapo alungama ku kaeya ka Betele ku mpanga ya myamba, aya aimika itaalu pakasi, Betele ku uwondaka na Ai nawe ku ufumondaka. Kuku akuno akuulila Yawe kavuwa nga amupepa.

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Neemiya 11:31

Antu amu mutundu wakwe Benjamini nayo kwene yikalanga ukutandikila ku Geba mpaka ukuyapuzya ku Mikimasyi, Aiya, Betele ni mizi yakweo,

Yoswa 12:9

Yamwene yano wacimvizye aya: umwene waku Yeliko, umwene waku Ai pipi nu ku Betele,

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Utandiko 28:19

Atemela cifulo cici izina ati Betele. (Lelo umusumba ulya mpiti wamwangwa ukuti Luzi.)

Yoswa 7:3

Lino yawela kuli Yoswa, iyamunena yati, “Nanti tutaile swensi kweneko cisi nu mulandu. Tuma sile antu amazimbi yaili nanti yatatu akuti yakapoke impanga ilya. Utatuma ivita vyonsi pasi pano aikazi amu Ai yatavula.”

1 Samueli 30:27

Atumila na ina Betele, na ina Lamoti Negebu nu ku Yatili,

Yelemiya 49:3

“Mwe ina Hesyiboni, losyini! Ai wataononwa! Mwe anaci amu Laba, pundini muipombelekezye ivisamu mu misana. Losyini, mwalukuzeuluka kuu na kuu, mukasi ki liinga. Pasi pano lyene Milikomu akuya umu uzya, kumwi na yasimapepo ni ntunguluzi zyakwe.

1 Yamwene 12:29

Alino Yeloboamu atoola akaluwi konga nga akiika mu Betele, na kauze akiika mu Dani.

Ezaya 10:28

Anisi yaya yakwiza yatunkila uku Aiyati. Yalasalala uku Migiloni, Yalasya viya vyao uku Mikimasyi.