Yoswa 4:3 - Amazwi Yakwe Leza 2013

³ nga uyapeele ilamulo kuti yasole amawe ikumi na yaili apakasi ka Luzi lwa Yodani, ukufuma pa ncende kwene ilya pano yasimapepo yimilile, muyasende nga mukayike pansi pa ncende ino mumaya mukasake insakwe usiku.”

Yoswa 4:3 交叉參考

Yoswa 4:8

Aonsi yalya iyalondela amalamulo yakwe Yoswa. Iyasola amawe yalya ikumi na yaili apakasi ka Luzi lwa Yodani, ukulingana ni mpendwa ya mitundu ya ina Izlaeli, wakwe vino Yawe wapeezile ilamulo kuli Yoswa. Apali pa kuyasenda nu kuya yika pansi mu nsakwe zyao.

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

Luka 19:40

Yesu ayanena ati, “Namunena vino ndi yaa yamyalala, ale amawe kwene yaa yamapundanga.”

Masamu 103:2

We mwenzo wane lumbanya Umwene, utilila nanti conga pali vino wakukwatila uluse.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”

Yoswa 24:27

Yoswa anena antu yonsi ati, “Lolini, iwe lii lilaya akambone uwakutusinila. Pano lyene lyatilyuvwa amazwi yonsi yano Yawe watavwanga kunotuli. Lyene lilaya akambone uwakumusinila ndi cakuti mwaca mwasangukila Leza winu.”

Utandiko 28:22

Iwe lii lya ciusizyo lino nimika paa, lilaya cifulo ca kukupepela penepo, nga ndakupeela icikumi muli vyonsi vino ulampa.”

Yoswa 4:4

Alino Yoswa aama aonsi yalya ikumi na yaili yano wasolwile ukufuma mu ina Izlaeli, muli cila mutundu mufuma wenga,