Yoswa 3:1 - Amazwi Yakwe Leza 2013

¹ Katondotondo Yoswa na Ina Izlaeli yonsi iyatenuka ukufuma ku Syitimu nga iyaya ku Yodani, kuno yakuuzile insakwe lino yatacili yalambe.

Yoswa 3:1 交叉參考

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 25:3

inti, “Apa myaka amakumi yaili na itatu, ukutandikila apa mwaka walenga ikumi na itatu iya utesi wakwe Yosiya, umwana monsi wakwe Amoni, pano wayelile apa cilimba ca wene mu Yuda, ukufika na pa wanda kwene uno umwene wavwanzile nani nga nani ntatazile imposiwe ukumunena vino wacisile. Lelo mwemo mutasumvileko amano awe.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Masamu 119:60

Ukwaula nu kuzingota, nakalauka ukulondela amalamulo yako.

Mpendwa 25:1

Pa nsita ilya aina Izlaeli yali ku Syitimu. Ali lino antu iyatandika ukucita uzelele na anaci aina Moabu.

Utandiko 22:3

Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

Utandiko 21:14

Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba.

Yoswa 6:12

Katondotondo, uwanda uwalondelilepo Yoswa na Yasimapepo yanyemula Mbokosi ya Upangano yakwe Yawe.

Yoswa 6:15

Pa wanda uwalenga cinimbali, iyakatuka pa macaca nga iyapita ukuzinguluka umusumba amaila cinimbali mu musango uli onga kwene. Lelo pa wanda ukwene sile yene yazingulwike umusumba amaila cinimbali.

Yoswa 7:16

Katondotondo uwanda uwalondelela Yoswa pali pakunena cila mutundu wa ina Izlaeli ukwiza ku nkolelo, nga icilema umutundu wakwe Yuda.

Yoswa 8:10

Katondotondo uwanda uwalondelilepo Yoswa akonganika antu yakwe, nga aliwe pamwi ni ntunguluzi zya ina Izlaeli iyayatungulula iyaya ku Ai.

Yakapingula 20:19

Akatondo uwanda uwalondelilepo aina Izlaeli iyakatuka iyaya iyakuula insakwe pipi nu ku Gibeya.

1 Samueli 17:20

Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!