Yoswa 2:9 - Amazwi Yakwe Leza 2013

⁹ nga azinena ati, “Manyile ukuti Yawe watapeela impanga ii kunomuli nu kuti ingofyo izya pali mwemwe zyatizituponela, cakuti umuntu wensi mu mpanga ii akuzakaza ku ntete pamulandu winu.

Yoswa 2:9 交叉參考

Kufuma 23:27

“Antu yonsi yano yakamulwisya ndayalenga kuti yaye ni ntete kunomuli nupya ndalenga kuti yao amupata yaye avulungane cuze cakuti yalasimula kantapepela.

Malango 2:25

Ukutandikila sile ilelo kwene ne Yawe namaleka kuti antu konsikonsi yaoopa mwemwe. Antu yonsi yalazakaza ku ntete pa kuvwa izina linu.’

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Kasambilizya 8:12

Umuntu muyi nanti angatala imilandu umwanda onga, lelo wene angikala sile ningo. Endi, nemo kwene cino namanya icakuti antu yano yakaoopa Leza yene yakaya nu longo.

Masamu 115:16

Yawe sile wenga aliwe ali mweneco wi yulu, insi yene aino wapeela antu.

Masamu 112:10

Antu aipe nga yalola vivyo, yene pasi pakusoka, iyataka nu kulumanya incecete, nu kusalangana ala yasalangana. Icacumi ivikataila aipe vilasililikila

Yobo 19:25

Ukuya kwene namanya ukuti kavwangila wane acikweti umi. Namanya ukuti aliwe aliza amvwangile.

Yoswa 2:11

Lino tuvwile cii, ituya na miiku nga imyenzo itu izakaza ku ntete pamulandu wa kwiza kwinu, pano Yawe Leza winu ali Leza ukwiyulu na pano pansi kwene.

Utandiko 35:5

Lino Yakobo na ana yakwe yatenuka, antu ali mu misumba yazingulwike yakanka sile ku ntete, nupya patali uwaposizye ukuya yazanza.

Mateo 20:15

Uzye ntakweti nsambu yakucita cisuma cino nkasi pa mpiya zyane? Uzye pacani wanzuwila pa nsambu yane.’ ”

Naumi 2:10

Umusumba wa Ninive ononeka, wasanguka waya itongwa ilyaula antu. Imyenzo yaluluka uku ntete, na makokola yakuzakaza. Umu nteo monsi mwamyalala, ni vinso vyapona uku masakamiko.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

2 Yamwene 7:6

Yawe umwisikulu uwalesile ukuti aina Asilya yuvwe icongo. Umu kuvwa kwao cuvwisile ungati icongo ca vita ivingi sana ivisenzile imfwalasi na maceleta. Aina Asilya ali pakuvwanga yati, “Uvwini icongo, umwene waku Izlaeli watalalika umwene wa ina Hiti nu waku Eguputo pamwi ni vita vyao apakuti yize yatulwisye!”

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

2 Samueli 17:10

Lyene nanti umusilika ukuluta yonsi, wino wapama wakwe cisama, alazakaza ku ntete, pano aina Izlaeli yonsi yamanya ukuti so icita nga na antu yano ali nayo yapama.

Yakapingula 7:14

Cuza wakwe wilya nawe pali pakumunena ati, “Umukate uwo ulupanga lwakwe Gidyoni umwina Izlaeli, umwana wakwe Yoasyi. Iciloto cico calola sile mukuti Leza watapeela impanga ya Midyani kumwi ni vita vitu vyonsi mu makasa yakwe Gidyoni!”

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli

Malango 28:10

Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.

Malango 11:25

Kutalaya umuntu nanti wenga alamucimvya. Yawe Leza winu aliwe alalimvya intete ku mpanga yonsi pakuti monsi muno mwapita antu yace yamoopa, wakwe vino wamulavile, nga kusi nanti wenga alalesyanya kuti mutacita cico.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Ayebulai 11:31

Utailo uwalenzile kuti Laabu cizelele atakomwa pamwi na yao atayelanga Leza, pano wene wazengile ningo inengu zya ina Izlaeli.

Mpendwa 20:14

Ukufuma ku Kadesyi Mose atuma inkombe ati, “Ku musambazi, umwene waku Edomu, munyonko Izlaeli wavwanga ukuti wamanya mpiti ningo sana amasyamo yonsi yano yatuponela.

Mpendwa 20:24

“Aloni atakutala aingile mu mpanga ino nalavile ukupeela aina Izlaeli. Wene amafwa, pamulandu wakuti mweili kwene mwakanyile ukuyela ilamulo lyane pa kupelwa amanzi ku Meliba.

Yoswa 2:8

Lino inengu zitacili zilale mu usiku ulya, Laabu akwela apilali pano zili,

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,

Yoswa 9:10

na vyonsi vino wene wacitile yamwene yaili ya ina Amoli lwaku ufumondaka wa Luzi lwa Yodani, na Siooni umwene waku Hesyiboni, na Ogi umwene waku Basyani, wino wateekanga mu Asyitaloti.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Ezaya 23:5

Nanti sile aina Eguputo, nayo kwene yalaculukila, nu kuzakaza apakuvwa ukuti Tuli wataononeka.

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Yoswa 6:2

Lyene Yawe anena Yoswa ati, “Lola, Natimpeela umusumba wa Yeliko nu mwene wauko nga ni vita vyakweo mu makasa yako. Wewe kumwi ni vita vyako mulinzile ukupita nu kuzinguluka umusumba ulya iila lyonga. Mulinzile ukucita ci pa manda mutanda.

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.