Yoswa 2:1 - Amazwi Yakwe Leza 2013

¹ Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Yoswa 2:1 交叉參考

Ayebulai 11:31

Utailo uwalenzile kuti Laabu cizelele atakomwa pamwi na yao atayelanga Leza, pano wene wazengile ningo inengu zya ina Izlaeli.

Yakobo 2:25

Vivyo kwene avino cali na kuli Laabu cizelele. Wene wacisilwe kuya mololoke pa manso yakwe Leza kupitila mu milimo yakwe apa kuzengela nengu zya ina Izlaeli nu kuyazwa kongoloka, yapita ku museo uze.

Mateo 1:5

Salimoni wali a isi wakwe Boazi wino wavilwe muli Laabu, Boazi wali a isi wakwe Obedi wino wavilwe muli Luti, Obedi wali a isi wakwe Yese,

Mpendwa 25:1

Pa nsita ilya aina Izlaeli yali ku Syitimu. Ali lino antu iyatandika ukucita uzelele na anaci aina Moabu.

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Yoswa 3:1

Katondotondo Yoswa na Ina Izlaeli yonsi iyatenuka ukufuma ku Syitimu nga iyaya ku Yodani, kuno yakuuzile insakwe lino yatacili yalambe.

Mpendwa 13:2

“Tuma aonsi yamwi akuti yakendezye impanga yaku Kenani, ino nkupeela ku ina Izlaeli. Utume wenga ukufuma muli cila mutundu wa cikolwe cao, nupya intunguluzi panoyali.”

Yakapingula 18:17

Aonsi yalya yasano aile iyendezya impanga yingila mukasi ka ng'anda ilya iyatola akaluwi akawaze, ni cakuzwala ca efodi, nu tuluwi tuze pamwi na kaluwi akawaze kano yengelelako siluva. Ale lilyo simapepo aimilile pa mulyango pamwi ni vita imyanda mutanda.

Yakapingula 18:2

Acino amu mutundu wakwe Dani yasolwile antu yasano asipe ukufuma mu ng'anda zyonsi izya mu mutundu wao iyayatuma ku musumba wa Zola nu wa Esyitaoli. Iyayatungulula ivyakwendezya impanga ilya nu kunengula ivyayamo. Lino yafisile mu mpanga yakwe Efulemu, ya myamba, yatenzi mu ng'anda yakwe Mika.

Yoswa 5:10

Lino ilanzi lyawa pa wanda uwalenga ikumi na yani, lino yatenzi mu nsakwe zyao zino yakuuzile ku Giligali lwa ku manyika aku Yeliko, aina Izlaeli iyazevya Cimulo ca Ucilo.

Mpendwa 33:49

Kuku kwene mu manyika aku Moabu akuno iyaya yakuula insakwe mu nkumba yakwe Yodani kutandikila ku Beti Yesyimoti mpaka ukufika ku Abeli Syitimu.

Yoswa 21:31

Helekati nga nu wa Leobu, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

Yakapingula 18:14

Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

Yoswa 1:18

Wino wensi alatwisika amaka yako nanti kukanayela amazwi yako, cisi cimwi ilamulo lino ulayapeela, wene alakomwa. Wemo ule uposye nupya uzyansye.”

Yoswa 2:2

Lino umwene uwamu Yeliko uvwa ukuti aina Izlaeli yamwi yatiyiza usiku ku kwendezya impanga,

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Utandiko 42:9

Yosefu aiusya viloto vya pali aliyo vino walosile nga ayanena ati, “Mwemwe nengu, mwizile lola ndi tukweti utonte, na vino mungazanza impanga itu.”

Utandiko 42:16

Wenga uwa munomuli alinzile apite akamulete. Asyala mwensi mumasungwa mu ng'anda yaminyololo mpaka ndole ukuti vino mukuvwanga ivyacumi. Ndi cisi vivyo, nalapa mwi zina lyakwe Falao, ale mwemwe nengu.”

Mpendwa 13:1

Yawe anena Mose ati

Yakapingula 1:23

Lino yatuma antu akuya nengula umusumba wa Betele (uno mpiti yatangi Luzi),