Yona 2:9 - Amazwi Yakwe Leza 2013

⁹ Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”

Yona 2:9 交叉參考

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Masamu 68:20

Leza witu, a Leza akatutuula. Ukufuma kuli Yawe Simwandalali ali kuno ufyusi witu ukafuma.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Umbwilo 7:10

Lyene yapunda ni zwi likulu yati, “Ufyusi ukafuma kuli Leza witu, wino uwikala pa cilimba ca wene, nga nu ku Mwana wa mfwele!”

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yobo 22:27

Lyene alino ulati ndi wapepa kunoli, nawe akuuvwa. Nga nawe ulafikilizya amalayo yako kunoli.

Utandiko 35:3

Tukufuma kuno ukuya ku Betele, kuno ndaya nkakuulile Leza kavuwa, Leza wino wangazwilizye lino nali mu nsita zya macuzi, nupya uwaya nani lyonsi na konsi kuno nkaya.”

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

2 Samueli 15:7

Lino papita imyaka ini, Abusalomu anena isi ati, “Tata lekini inje ku Hebuloni ku kufikilizya ulayo uno nalavile kuli Yawe.

Malango 23:18

Nanti ulupiya kwene luno yangakwilila umu nzila iyo lusi lwakwezya kutwala mu Ng'anda ikulu yakwe Yawe Leza winu, pa kuya fikilizya ulayo uno walavile kunoli. Yawe wapata yakacita ya uzelele aku Ng'anda ikulu yakwe Leza.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 95:2

Katuye kunoli, tumufukamile, tumulumbanye ni nsansa umu nyimbo ni ngoma.

1 Samueli 12:21

Mutasenukila ku kulondela tuleza tuluwi. Twene tutangamucitila ivisuma, nanti ukumutuula, pamulandu wakuti utwaciwelewele.