Yona 1:2 - Amazwi Yakwe Leza 2013

² Amunena ati, “Yanga ku Ninive, umusumba ulya ukulu, ukasoke aikazi yakweneko pamulandu wakuti nalola ukakasi wao.”

Yona 1:2 交叉參考

Utandiko 10:11

Afuma ku mpanga ilya aya aikala ku Asilya, aya akuula imisumba ya Ninive, Leoboti Ili, Kala

Naumi 1:1

Yaa amazwi yakwe Yawe asowilwe pamulandu nu musumba wa Ninive. Naumi uwaku Elikosyi walemvile ivintu vino waweni mu cilolwa.

Yona 4:11

Uzye nemo ntange njele umusumba ukulu wa Ninive uluse? Mu musumba kwene ulya muli ana anono 120,000 yao akaele, nga ni viteekwa vivule cuze!”

Yona 3:2

“Katuka, uye ku musumba ukulu uwa Ninive nga ukakosole ilandwe lino nkukupeela ku antu aikala mwenemo.”

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Umbwilo 18:5

Pano uwingi wa maifyo yakwe yafika mwiyulu, Leza nawe wataiusya misango ya ukakasi wakwe.

2 Yamwene 19:36

Acino Senakelibu apakulola vivyo acimba, nga aswilila nu ku musumba wa Ninive, akuno aikala.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Ezekelo 2:7

Yuvwe nanti yatuvwa wemo uce ukayanene amazwi yane pano uluko lulo ulutalame.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Mateo 10:18

Yalamulema nu kumutwala ku ntunguluzi na yakateeka pamulandu wane, kuti muye yakambone yane kunoyali nu ku Akulukuwa.

Mateo 12:41

Pa wanda wa upinguzi, antu amu Ninive yalimilila pamwi na antu amu mukulo uu nu kuyasinila, pano yene yazenzwike lino Yona wakosozile kuno yali. Lola, umwi mukulu kuluta Yona ali pano.

Ezaya 37:37

Alino Senakelibu, umwene mukalamba wa ina Asilya, nawe ali pakusya insakwe nu kuswilila ku Ninive akuno aya aikala.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Yona 3:3

Yona pali pakuyela Yawe nga akatuka aya ku musumba ukulu uwa Ninive. Musumba ulya uwa Ninive wali ukulu wakwe cimwi, cakuti casendanga amanda makulu yatatu ukupita ukusalala mwenemo.

2 Milandu 28:9

Lelo kuku kwene kwali kasema wakwe Yawe wino izina lyakwe a Odedi. Wene waile kuku pakuti akomenkane ni mpuka ya vita ino yizile ku kulwa inkondo apa nsita ino vikuswilila ku Samaliya. Anena antu yalya ati, “Yawe, Leza wa vikolwe vinu wamupile ucimvyo pa antu aku Yuda, pamulandu wakuti wene wayasokile. Lelo wene kuku ukwiyulu watalola vino mwatimuyakomola mu ukali winu.

Naumi 3:19

Icilonda cako citalatala cilole umulembo, nupya impofya yako itangapoziwa, awe. Wensi wino uvwa ilyasi lyapali wewe, alakomela amakufi apakuzangila ukuwa kwako. Uzye kuli umwi wino walewike uzunyo wako ukakate?