7 Leza angapeela ilamulo kwi lanzi kuti litatunka, nu kuvimba apa ntanda kuti zitawala.
Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.
Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.
“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.
Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!
Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’
Pakuti antu yonsi yano waumba atulange vino akucita, wene akaimika imilimo itu.
Pa wanda uno Yawe wapile aina Amoli mu makasa ya ina Izlaeli, Yoswa wavwanzile kuli Yawe. Pa manso ya ina Izlaeli avwanga ati, “We lanzi, imilila papela ka Gibyoni, na we mwezi, imilila papela ka Cifoloma ca Aiyaloni.”
Acino ilanzi ilimilila sika, umwezi nao utatazile usele, mpaka aina Izlaeli iyamala ukukoma anisi yao, wakwe vino calembwa mu Lupapulo lwakwe Yasyali. Ilanzi lyaimi apakasi ka mutwe nga ilicelwa ukuwa pipi nu kusila kwa wanda onsi.
