3 Umwi ndi camukulama wati kapele Leza umulandu, Leza angamuzya amauzyo yamwi acipezya mano, yano angaposiwa ukwasuka.
We Leza! Utampela umulandu. Nene sile nemo imanye umulandu uno nakutala.
“Uzye ukulonda ukuti uwampazya nene ne Leza Wamaka yonsi vwile? Uzye watukwata ivya kunjasuka ne Leza nanti foo?”
Yakampingu itu ndi yatuvunuka, twamanya ukuti Leza wene umukulu kuluta yakampingu itu. Wene wamanya vintu vyonsi.
Ndi twati tusi na maifyo, ale twaisomba sweisikulu, nga ni cumi cisi munotuli.
Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”
Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.
Kusi umwi angailolela ukuluvyanya kwakwe. Fwandi ungala umfule uyi wane uno wafisama!
Uzye pacani cino ukunenolela Leza, apakukana kwasuka?
Nemo nanti sile ningaya uwakaele, lelo imivwangile yane kwene iliyo ingaya ikansinile ukuti indi nu mulandu. Nanti ningaya uwaula umulandu, imivwangile yane ingampela umulandu.
Uzye lyene nemo ningaasukana uli na Leza? Amazwi cii yano ningavwanga pakupazyanya nawe?
Uzye akunoli umwi angampeela umulandu? Ndi cakuti akunoli, lekini aize. Ninjiteyanya namazuka cele nga mfwe.
Natimvwanga mpiti caticisila, intange nswilizye nupya, awe.”
Leza asimanyisya umuntu uwanda wakumwamilapo, pakuti aye kuno ali uku kupingulwa.
