Yobo 5:10 - Amazwi Yakwe Leza 2013

¹⁰ Aliwe akaleta imvula pano nsi, akasansa amanzi umu vyalo vitu.

Yobo 5:10 交叉參考

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 5:24

Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Masamu 147:8

Aliwe akavimba iyulu na makumbi, aliwe akapeela insi imvula, nu kumezya umulemvwe umu myamba.

Amosi 4:7

“Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.

Yelemiya 10:13

Lino wene wapeela ilamulo, amanzi nayo yacita cilulumo kwiyulu. Wene akasensensya amakumbi ukufuma ku mpela ya nsi. Akamyantula inkuwa mu mvula, nu kutuma umuza ukufuma umu nkoma zyakwe.

Yobo 36:28

Nga alino nayo imvula itandika ukuvovomoka ukufuma umu makumbi, nu kutonyela pa vyalo vya antu.

Yobo 28:26

wapima ni mvula pano ingatonyela ipelele, alangilila ni nkuwa inzila umwakupita.

Yobo 36:27

“Leza umwisikulu aliwe akatola amanzi yamuli yemba, nupya ayasangula amamata yamvula.

Yobo 37:6

Wene akanena kungwi ukuti aponele pansi, nu kunena imvula ukuti ivovomokele pansi.

Masamu 68:9

We Leza awewe watonyizye imvula iingi, nu kuvundikila impanga yako iyalanga yafumuka.