Yobo 4:9 - Amazwi Yakwe Leza 2013

⁹ Uku mupu wakwe Leza yene yakalowa, alino nu ku ukali wakwe yalononekela.

Yobo 4:9 交叉參考

Yobo 15:30

Atangafuma umu kanda. Icimbilimbili cilumika insaala zyakwe. Umuza ulasenda maluwa yakwe.

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Umbwilo 2:16

Acino ndakai zenzukini. Ndi mutazenzwike, ndiza zuwa kunomuli nu kulwisya antu yao ku lupanga luno lukafuma mu mulomo wane.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.

Yobo 40:13

Yonsi kwene uyazike pamwi mu musili, nu kuyayalila umu mfinzi kuzimo.

Yobo 1:19

Alino lyene icipunga ukufuma ku lwanga cali ciza cingila, icipukanya nu kusya cawisya yamutali. Ali vino calicawisya yamutali yonsi yani atungilila ing'anda. Ing'anda ali vino yaliyawa nu kwilikizya ana yako yonsi nu kufwa yatiyafwa. Nene nenga sile nimpusuka apakuti nize nkunene vino cali cili.”

2 Yamwene 19:7

Nene kwene ne Yawe namaleka ukuti umwene waku Asilya auvwe vimwivimwi, vivyo avino ndaleka kuti aswilile uku mpanga yakumwao akuno yaye yakamukomele nu kumukomela.”

Kufuma 15:10

Lelo we Yawe uputa umupu lyonga sile na aina Eguputo yamwela, iyatuwila yatotomela ngati mutovwe yaya pansi pansi.

Kufuma 15:8

Lino waputa umupu wako pali yemba amanzi iimilila, amanzi iimilila ukuya mupela ngati lung'umba. Iziya lizike lyakwe yemba likoma liya na ndi kufika na pansi pansi.

Yobo 40:11

Ale lyene soka tuvwe, lolekesya antu ya vilumba uyatonsye.

Ezaya 40:7

Isote likauma na maluwa nayo yakafoota, lino Yawe wapuutapo umupu wakwe. Cumi kwene na antu kwene yaya wi sote.