4 Uku mazwi yako wemo watungililanga intalanganyi, nu kukomya inteo zya maulu azakazanga.
Acino mukomye makasa inu atonte nupya mutaleka makokola inu yazakaza!
Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.
Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.
Wene akaazwilizya yayo yonsi ali umu ntazi nga nu kukatusya yonsi yao apona.
Lelo Leza akakomelezya antu atonte myenzo nupya watukomelizye lino watumile Tito kuno tuli.
Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.
Alino wene afinya pa manso nupya intete zimulema wakwe cimwi cakuti atandika kuzakaza umu nteo.
Apa mpiti wewe wasambilizye antu avule, wakomelizye na yayo atembokele mu makasa.
Lelo apa kuzana ukuti intazi zyakwizila, wemo waposiwa ukuzizimizya, watovoka nu kutovoka.
Umuntu ali wensi uwandolanga nanti ukunguvwa, walandanga ivisuma pali nene, napali vino nacita.
Wa mwene wao, nayatungululanga inzila isuma ino nayasolwela. Nayatwalanga konsi sile kuno natemwa, wakwe vino intunguluzi ikacita uku vita vyakweyo. Nali wakwe kamyalalika wakwe yakalosya.”
Amazwi alondoloke yakolana ni viseekwa viyengese vyakwe zaabu, ivili pa mbale yakwe siluva.
Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.
