Yobo 27:5 - Amazwi Yakwe Leza 2013

⁵ Ntalatala nezye ukuzumilizya ukuti mukuvwanga vyacumi, mpaka sile ni mfwa yane, ntalatala inte ukuvwanga ukuti nene muntu umwi uwakaele.

Yobo 27:5 交叉參考

Yobo 2:9

Alino umuci nawe ali pakutandika kumusinkola ati, “Uzye na ndakai ucili nu utailo? Si tuka sile Yawe pakuti ufwe, cisile nu kusila.”

Yobo 13:15

Leza andye ndakulonda. Nemo ningaya nkalolole ukwakwe, apamipitile yane iya muno nsi.

Galatiya 2:11

Lelo lino Petulo wizile ku Antioki, nemo namukalipile pa manso ukuti wene waluvyanya.

Mapinda 17:15

Ukupeela uwa mulandu insambu nu kupeela uwakaele umulandu, ali vintu viili vino Yawe wapata umu musango uli umwi kwene.

Yobo 42:7

Walanga Yawe wamala ukunena Yobo amazwi yaa, alino anena Elifazi umwina Temani ati, “Nemo natinkusokela wakwe cimwi, pamwi na auzo yoili, apamulandu wa kukanalanda ivyacumi pali nene, ndi muno umuomvi wane Yobo wavwangile.

Yobo 32:3

Wasokile kumwi na yacuza yakwe Yobo yatatu, apakulola ndi vino nayo kwene yatonta uku vwangana na Yobo. Pano lyene cakola ungati nayo kwene yazumilizya ndi vino Leza angaponga.

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Yobo 6:29

Mwacilamo sile, ale tini ukumfyenga. Mutezya ukumpela umulandu, pano nene wacumi.

Yobo 31:6

Ndi cakuti Leza wali nu kumpima apa cipimilo icisitumpoka, wene angazana nu kusininkizya ukayele wane.

Yobo 32:1

Ali vino antu yaya yatatu yatile ukuvwanga na Yobo, apamulandu wakuti wene wasininkizye ukuti uwa kayele.

Yobo 32:2

Lyene ali vino umuntu wenga wene pasi pakusoka. Izina lyakwe, a Eliu umwana umonsi wakwe Balakelo umwina Buzi, uwamu luko lwakwe Lamu. Wasokile Yobo apamulandu wakuti wene waiweni ukulungika ukuluta pali Leza.

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Yobo 31:7

Ingazo zyane ndi cakuti zyatazile izipumba inzila, na manso yane ndi yatazile iyatwala umwenzo wane ku kuluvyanya, nanti iminwe yane ndi cakuti yatazile ikowela ku vyakulemalema.

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.