6 Lyene yakazombola ingano mu vyalo ivisi vyakwao nu kusotolezya amatingi mu vyalo vya matingi vya antu aipe.
Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.
Yaliza yamulile iviteekwa ni vyakulya vinu kwene, mpaka mukafwe ku nzala. Yene yatalamusila imbezu, nanti waini, nanti amafuta ya miolivi, nanti ing'ombe, nanti imfwele, mpaka mwemo mukafwe.
Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo
Alino kwene yakalenga nu kuti alanda yasapika umu mapoli umukulonda ivyakulya, ungati aya punda ya mpanga, apakuti sile yalisye ana yao.
Usiku onsi yakulala citutu, pano yuulilwa vyakuvimbala. Yene yatakwata ivya kuyacingilila uku mpepo.
“Fwandi nawe Zofala ali vino walanda wati, ‘Antu aipe yakasendwa na mulamba wa manzi. Ivyalo vyao, ivitiipwe! Kusi nanta yamwi akaya umu vyalo vyao ivya matingi.’
Intatala nalya ivyakulya vya mwenemo, ukwaula ukuti ntale ndipile aomvi yane, avilimile. Nu kuinong'onya aomvi yane yatatala iyainong'onya, awe.
