Yobo 22:3 - Amazwi Yakwe Leza 2013

³ Uzye wemo ukuti Leza Wamaka yonsi akasekelamo pamulandu wakuti wewe kacita wa vyaololoke? Uzye Leza wene angazombolamo cimwi umu miyele yako iyakaele?

Yobo 22:3 交叉參考

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 12:22

Antu antumpu yakasosya Yawe, lelo amutaila yene yakamuzanzya.

Mapinda 11:20

Antu ya myenzo iipe yakasosya Yawe, lelo wene watemwa antu akacita ivisuma.

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Masamu 119:59

Natinceceta inzila zyane, nupya nalaya ukulondela amasunde yako.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Yobo 22:2

“Uzye umuntu angaya wamuzano kuli Leza? Awe, umuntu wamano akailetela sile umuzano umwisikulu.

Yobo 22:4

Limwi wemo ukwelenganya ukuti pano sile ukamoopa nu kumucindika ali cino wakucitila vivyo apakuti utaca ulolole?

Yobo 35:7

Ndi cakuti ukazifya, ivyani vino ukamupeela, vino angapokelela ukufuma uku makasa yako?

Yobo 21:15

Uzye Leza Wamaka yonsi aweni uwakuti twamutumikila? Uzye tungatumbulamo cani umu kupepa kunoli?’

Yobo 34:9

Yobo akavwanga ati, “Umuntu wino akasi kuzanzya Leza akaicuzya sile.

Mapinda 9:12

Ndi cakuti wakwata amano, ale cimakuzipila. Ndi wewe wamitumfyo, ale wailetela sile intazi.