Yoane 9:34 - Amazwi Yakwe Leza 2013

³⁴ Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Yoane 9:34 交叉參考

Yoane 9:22

Akwasi yakwe yavwanzile cii pano yoofile intunguluzi zya Ciyuda pano ala zyazumilizyanya ukuti, wensi amataila vino Yesu ali Katuula, wene amazingwa mu ng'anda ya mapepo.

Yoane 9:2

Alino alondezi yakwe yamuzya yati, “Kasambilizya, uzye amaifyo yakwe weni alenzile kuti umuntu wii avyalwe impafu? Uzye amaifyo yakwe wenga nanti amaifyo ya akwasi yakwe?”

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Luka 18:17

Cumi namunena nati, wino wensi atalapokelela Uwene wakwe Leza wa mwana munono, wene atalingilamo.”

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Utandiko 19:9

Lelo antu yalya yanena Loti yati, “Senka pano, mwinamasi we! Nga weweni wakutunena cakucita? Senka, ndasi vivyo wewe tumakuombela ukuluta pali yayo.” Alino yakanka Loti nga iyaya nu ku cisasa kuti yalepule.

Umbwilo 13:17

Kusi umwi wakuti akale nanti akazye suka sile ndi akweti cimanyililo cii, kuli kuti izina lya cilyanyi nanti mpendwa ino ikwimilila izina lilyo.

3 Yoane 1:9

Nalemvile kalata mwipi kwi uvi. Lelo Diotilefe wino uwatemwa kuya intunguluzi yao wene atangasumba mano kuli vino nkulanda.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Galatiya 2:15

Mu cumi sweswe Ayuda kucivyalilwa nga tusi “Akulukuwa yakaifya,” ndi vino yakaamwa.

1 Kolinto 5:13

Cili ndi vino calembwa mu malembelo cati, “Zingini umuntu ali wensi mwipe uwa munomuli.”

Yoane 9:40

Afaliseo yamwi yano ali nawe yuvwa vintu vii, nga yamuzya yati, “Uzye naswe kwene sweswe mpafu?”

Yoane 9:35

Lino Yesu uvwa cati cicitika, nga azana umuntu uwapoziwe amuuzya ati, “Uzye wataila mu Mwana wa muntu?”

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Luka 11:45

Wenga uwamu nkonkotela zya Masunde amwaasuka ati, “Kasambilizya, lino ukuvwanga vii naswe kwene ala ukututuka.”

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

Ezaya 65:5

Alino antu kwene yayo, ali yano yakanena auze yati, “Funtukini apipi naswe, pano sweswe yasangululwe.” Ali cino fwandi nemo ne Yawe tutange tuvwane na antu amusango uo. Icipyu cino nemo nayakwatila cikalunkuma wa moto uno utatala wazima.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mapinda 22:10

Zinga uwa mitumfyo, nu lwete ala lwasila. Ivikanza ni ntusi ala vya myalala.

Yobo 14:4

Aweni fwandi wino ungazana umuswepe apa antu akowele? Kusi nanti wenga!

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Kufuma 2:14

Muntu wilya aasuka Mose ati, “Uzye aweni uwakupeela maka akupingula panotuli? Uzye ukulonda unkome wakwe vino wakomile mwina Eguputo wilya?” Lyene Mose auvwa intete, nga aelenganya ati, “Antu yatiyamanya vino nacisile.”

3 Yoane 1:10

Lyene lino nemo ndiza, ndamwiusya vintu vyonsi vipisye vino wene wavwanzile nga ni ntumpu zino watutumpwila. Asi cii conga cino wene wacisile. Lelo akakana kuzengela aina Klistu yanji lino iiza. Na lino yauze yakulonda kuzengela wene akayalesya nga nu kwezya kuyazinga mwi uvi.