Yoane 8:21 - Amazwi Yakwe Leza 2013

²¹ Yesu ayanena nupya ati, “Nemo ndapita, namwe mulandonda. Lelo mulafwila mu maifyo inu. Kuno ndaya mwemo mutangayako.”

Yoane 8:21 交叉參考

Yoane 7:34

Mulandonda, lelo mutalanzana, pano mwemo mutangaya kuno ndikala.”

Yoane 8:24

Acino nali namunena vino mulafwila mu maifyo inu. Pano ndi mutataile vino nene ali nene kwene, mulafwila mu maifyo inu.”

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yoane 12:33

Wavwanzile vii kuti alange musango wa mfwa ino alafwa.)

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 23:39

Namunena vino mutalandola nupya, kufika lino mulavwanga muti, ‘Walongo awiyo akwiza mwi zina lya Mwene.’ ”

Ezaya 65:20

Mutalaya utunya tuno tulafwa lino tucili utunono, yonsi yalafwa ukuluta na pa myaka yakufwilapo, kumwi na ikolo kwene. Pano wino alafwa ni myaka umwanda, ala wafwa acili umwance. Nu kukanafika pa myaka umwanda, cilaya icilangililo ca lutipu.

Mapinda 14:32

Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.

Mapinda 11:7

Umuntu mwipe ndi wafwa, nu upaalilo wakwe kwene ala watiulowa. Ukwika umwenzo mu cuma kusileta iciwezya awe.

Yobo 20:11

Umwili wakwe uwali ni vimaka uku ulumendo, utalalengela ukuzikwa nga nu kuola umu musili.

1 Yamwene 18:10

Awe nkulanda icumi, pali Yawe Leza wako uwa umi, kusi uluko nanti uwene umwi kuno umusambazi wane atatumako umuntu umwi wakuti afume akukulonda. Na lino amu luko nanti uwene uwo yalanda ukuti utaaya kweneko, wene akayanena kuti yalape nu mulapo ukuti wemo yatakuzana kweneko.

Yoane 7:36

Uzye walozya mwi vino wati mulandonda lelo mutalanzana, pano mwemo mutangaya kuno ndikala?”