Yoane 8:12 - Amazwi Yakwe Leza 2013

¹² Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Yoane 8:12 交叉參考

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Yoane 9:5

Lino ncili mu nsi, nene luswepo pakasi ka antu amu nsi.”

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Mateo 5:14

“Mwemo mukoline wa luswepo lwa nsi yonsi. Umuzi uwakulwa pa mwamba utangafiswa.

Yobo 33:28

Leza wampususya ku mfwa nu kuleka lyene inje nu umi, ukufika na pilelo kwene!’

Yoane 3:19

Luswepo lwiza mu nsi, lelo antu yakacita viipe. Acino yapingulwa pano yatemwisya mfinzi kuluta luswepo.

Masamu 18:28

We Yawe, awewe ukakozya uluswepo lwa umi wane. Leza wane we muno ukankozezya umu kanda.

Ezaya 9:2

Antu akapita umu mfinzi yatiyalola uluswepo ulukulu lwa ufyusi. Na pali yano akaikala mu wikalo wa cinzingwa ca mfwa, kunoyali kwiza luswepo kwati kumacaca.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Milimo 13:47

Pano Mwene watupeela ilamulo lii, lyakuti, ‘Namucita kuya wa luswepo pa antu Akulukuwa, pakuti mutwale ilandwe lya ufyusi ku antu amu nko zyonsi.’”

Masamu 97:11

Uluswepo lukayengesela yayo akacita vyaololoke, nga antu yayo yaya ni nsansa.

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Umbwilo 21:24

Antu a mitundu yonsi yamu nsi yalapita mu luswepo lwakweo, na yakateeka amu nsi yonsi yalaletamo ucindami wao.

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

2 Petulo 2:17

Antu yaa yakoline wa tufukoka twaula manzi, nanti wa makumbi akaululwa ni cipupu. Leza wayasungila ncende mu mfinzi ikulu cuze.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Masamu 49:19

nalyo kwene alafwa sile wakwe vino ivikolwe vyakwe vyafwile, nu kuya ikala navyo pee, kuku kwene ukwaya akanda akamuyayaya.

Yoane 12:36

Lino muli nu luswepo, tailini luswepo kuti muye antu akaikala mu luswepo.” Pacisila lino Yesu wavwanga vii, aya aikala kufisame.

1 Yoane 1:6

Lyene ndi twati tuli mu utandano na aliwe, lelo pa nsita ili imwi tukwikala mu mfinzi, ale tukutumpoka nga ni vicitwa vitu visyakulemana ni cumi.