Yoane 7:32 - Amazwi Yakwe Leza 2013

³² Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

Yoane 7:32 交叉參考

Milimo 5:26

Lyene musika na asilika yakwe yapita, yaya yaleta alondezi kwaula kuyakunkizya, pano asilika yoopa ukuti antu yangayatama na mawe.

Yoane 18:3

Caleka Yuda aya kweneko ala atungulwile impuka ya vita vya uteko wa Ciloma, nga na yakalinda yamwi a Ng'anda ikulu yakwe Leza, ala yatumilwe na yasimapepo akalamba nga na Afaliseo, yano asenzile inkozyo ni nyali ni vyanzo.

Yoane 12:19

Caleka Afaliseo yavwanzyanya yati, “Lolini, tukuicuzya sile! Mwalola, antu yonsi yakumulondela.”

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

1 Samueli 19:20

Saulo nawe pali pakutuma antu yamwi akuyalema Davidi. Lino sile yafika yalola nakuno iumba lyakwe yakasema yakusema, ale Samueli aimi papa akuyatungulula, Mupasi wakwe Leza wikila pa antu yakwe Saulo nga nayo kwene iyasema.

Mateo 12:14

Afaliseo yafuma yaya yumana kapi kuti yamukome.

Mateo 26:58

Lelo Petulo wene amulondela katalamukila nga afika nu mu musolo kwene wa ng'anda yakwe Simapepo Mukulu, nga aikala na yakalinda amu Ng'anda ikulu yakwe Leza kuti alole icimacitika.

Yoane 7:30

Lyene yalonda kuti yamuleme, lelo patali umuntu uwakuti amuleme, pano kasita kakwe kalanga katali kafike.

Yoane 11:46

Lelo yamwi munoyali yaswilila ku Afaliseo, yalanda vino Yesu wali wacita.