Yoane 4:40 - Amazwi Yakwe Leza 2013

⁴⁰ Caleka lino Asamaliya iiza kuli Yesu, yamupapata kuti aikale nao, nga aikala nao manda yaili.

Yoane 4:40 交叉參考

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Luka 24:29

Lelo yamupapata yati, “Ikala naswe, pano ilanzi lyatemba na kakuku ikatola.” Caleka aingila aikala nao.

Luka 8:38

Lyene umuntu wino mipasi yankota yafumilemo, apapata Yesu ati, “Leka nkulondele.” Lelo Yesu amukanya ati,

Yelemiya 14:8

Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?

Lwimbo lwakwe Solomoni 3:4

Walanga nkufuma sile pa antu yalya, imuzana umukundwe wane. Imulema kwaula kumuta mpaka imwingizya nu mu ng'anda yakwe mayo, ku muputule uno navyalilwemo.

Mapinda 4:13

Sunga masunde yane, utayasuula. Uyawake pano uli umi wako.

Utandiko 32:26

Muntu wilya ati, “Watiwaca, leka napita.” Lelo Yakobo avwanga ati, “Ntakukuta, mpaka utale umpolelele.”

Luka 10:39

Mata wakweti umwina wakwe kaci izina lyakwe a Maliya, uwatenzi pipi ni ngazo zya Mwene, ala akuuvwa kuli vino wasambilizyanga.

Yoane 4:39

Lyene mu musumba ulya Asamaliya aingi yataile Yesu pamulandu wa mazwi yano umwanaci wayanenyile ati, “Wali wanena vintu vyonsi vino nacita.”

Yoane 4:41

Na yauze aingi yataile pamulandu wa mazwi yano Yesu wavwanzile.

Yoane 4:43

Pacisila ca manda yaili, Yesu afumako aya ku Galile.

Milimo 8:8

Caleka mwali luzango lukulu cuze mu Samaliya.