Yoane 4:24 - Amazwi Yakwe Leza 2013

²⁴ Leza u Mupasi, na yano akamupepa, yalinzile kumupepela mu Mupasi nu mu cumi.”

Yoane 4:24 交叉參考

2 Kolinto 3:17

Mwene ali Mupasi. Acino kuno Mupasi wa Mwene ali ukuli untungwa.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Masamu 66:18

Iciya icakuti nemo inkasansamukila umu viipe, awe cumi Umwene atange anguvwe.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 145:18

Wene waya umupipi na yonsi akakuuta kunoli, yonsi akakuuta kunoli umusi mwisyente.

Yoane 4:23

Lelo kasita kakwiza, nupya kati kafika, lilyo lino yakapepa acumi yalapepa Tata mu Mupasi nu mu cumi, pano ali ndi yaa, ayano Tata watemwa kuti yamupepa.