Yoane 4:14 - Amazwi Yakwe Leza 2013

¹⁴ Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 4:14 交叉參考

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Umbwilo 7:16

Yene yatalatala yuvwe inzala nanti lusala nupya. Ilanzi nanti cikaililwa cili consi citalatala ciyoce,

Yoane 11:26

Na wino wensi ali nu umi, ndi wantaila, wene atalafwa. Uzye wataila cii?”

Yoane 6:58

Cii cili cakulya cino ciiza pano pansi kufuma kwiyulu. Cisi wa cakulya cino vikolwe vinu vyalile, lelo pacisila vyene vifwa.”

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Yoane 10:10

Mwivi akaizila sile kwiya, kukoma, nu konona. Nemo nizile kuti muye nu umi, umusi ukuulilwa.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 31:25

Pano ndimula umwenzo utovoke, ndikusya nu mwenzo onsi uno ukucula.

Ezekelo 47:9

Na konsi kuno uluzi lwala lwapita, viumbwa vyaumi vyonsi visenya mwenemo vilakwata umi. Inswi zilasanda, pasi pano konsi ukulafika amanzi yayo yalaleta umutende, na konsi kulapita uluzi luu kulaya umi wampomvu.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Yoane 4:13

Yesu nawe aasuka ati, “Wino wensi akamwa manzi yaa wene aluvwa lusala nupya.

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”

Aina Levi 11:36

Lelo ndi vyaponela mu kafukoka nanti mu cifula, vyene vitangaya ivyamifitalila. Nomba icintu icili consi icingakumya ku vitumbi vya nyama zii, cimaya icamifitalila.