Yoane 3:25 - Amazwi Yakwe Leza 2013

²⁵ Alondezi yakwe Yoane yamwi yatandika kupazyanya nu Muyuda umwi pamulandu wa lutambi lwa mifulalile.

Yoane 3:25 交叉參考

Yoane 2:6

Ayuda yali ni ntambi zya mifulalile zya kuisangulula. Acino kwali kweneko yamuyeza mutanda a mawe akufulalilamo. Muyeza wenga wazulanga kulingana ni cipimo ca nsembo ziili nanti zitatu.

Ayebulai 6:2

Nanti mu usambilizyo wa luwatizyo nu wa kwikilapo makasa, nanti kuzyukuka kwa afwe nu upinguzi wa pe.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

Ayebulai 9:23

Vintu vivi vyene ukukolanya kwa vintu vya mwiyulu ndi vino vili, nupya vyene vyaswefiwanga mu musango ndi uu. Lelo vintu vya mwiyulu vyene vikalondekwa kuswefiwa ni mpolelwa isuma cuze.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Mako 7:8

“Mwasya masunde yakwe Leza nu kusunga intambi zya untunze.”