Yoane 3:2 - Amazwi Yakwe Leza 2013

² Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Yoane 3:2 交叉參考

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Yoane 9:16

Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.

Yoane 12:37

Nanti angala Yesu wacisile vilangililo vii vyonsi pa manso ya Ayuda, yene yatamutaile.

Yoane 1:38

Yesu aseleuka, alola vino yakumulondela, nga ayauzya ati, “Mukulonda cani?” Nao yamunena yati, “Labi (kuli kuti Kasambilizya), uzye ukaikala kwi?”

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Yoane 7:31

Lelo amwi umba aingi yamutaila yati, “Lino Katuula uwalavilwe aliza, uzye alacita vilangililo kuluta vii vino umuntu wii akucita?”

Yoane 20:16

Yesu amunena ati, “Maliya!” Nawe Maliya aseleukila kunoli nga amuvwanzya mu Ciyebulai ati, “Laboni!” (Kuli kuti, “Kasambilizya.”)

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 3:26

Caleka yaya kuli Yoane, yamunena yati, “Kasambilizya, Uzye ukwiusya umuntu wiya wino wali nawe lwaku ufumondaka wakwe Yodani? Ndakai nawe akuwatizya, na antu yonsi yakuya kunoli.”

Mako 12:14

Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Yakapingula 6:27

Acino Gidyoni atoola aomvi yakwe ikumi nga iyacita vino Yawe wamunenyile. Wene wofile ang'anda yakwe na antu amu musumba ulya, cakuti aposiwa ukucita vivyo umusanya. Caleka acita usiku.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”

Mateo 23:7

Yene yatemwa kulamukwa nu mucinzi mu masokoni, nu kuti antu yayaama yati, ‘Kasambilizya.’

Mateo 23:8

Lelo mwemo yatalinzile kuti yamwama yati, ‘Kasambilizya,’ pano mwakwata sile kasambilizya wenga, nupya mwensi mwemwe ina.

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Yoane 4:31

Pa kasita kwene kaka alondezi yamupapata yati, “Kasambilizya, silyanga!”

Yoane 6:2

Alino iumba likulu limulondela, pano lyaweni vilangililo vino wacisile pa kupozya yao ali alwale.

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 14:10

Filipo, uzye utataile vino Tata nani twaya wenga? Mazwi yano nkamunena, insiivwangila! Lelo Tata, wino akaikala munondi, akacita milimo yakwe.