16 Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.
Lelo Leza watulanga vino watutemwa, pano lino twali tucili yakaifya Klistu watufwilile.
pakuti wensi wino wataila munoli aye nu umi wape.
Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?
Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”
Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.
Swemo tukatemwa pano Leza uwatandike ukututemwa.
Nemo nazipela umi wapee nga nazyo zitalalowa. Pasi umuntu alazisompola mwi kasa lyane.
Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.
Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.
Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,
Lelo luse lwakwe Leza lwavulisya cuze, nga nu kutemwa kuno watutemwa nako ukukulu cuze,
Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”
Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu
Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.
Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”
Lelo lino luse nu kutemwa kwakwe Leza Katuula witu vyasokolwilwe,
Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.
Uwasile ukutumwako umwana wakwe mukundwe. Pacisila, atuma mwana wakwe umonsi ku alimi avwanga ati, ‘Mwanane wene yalamucindika.’
“Ululumbi kuli Leza mwiyulu papelapela, nu mutende pali yano Leza akuzangilamo.”
Leza avwanga kunoli ati, “Tola umwana wako umonsi, umwana wako umonsi wenga sile Isaki wino watemwa, uye ku mpanga ya Moliya. Na kukwa akuno uye ukamumpeele impolelwa wa wila wakoca pa mwamba onga uno ndakulanga.”
Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.
Wino wensi uwataila mu Mwana wene asyakupingulwa, lelo wino wensi asyataila mu Mwana wene wapingulwa mpiti, pano wene atataile Mwana wakwe Leza wino wavilwe wenga.
Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.
Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.
