10 Filipo, uzye utataile vino Tata nani twaya wenga? Mazwi yano nkamunena, insiivwangila! Lelo Tata, wino akaikala munondi, akacita milimo yakwe.
Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.
Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”
Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.
Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela.
Nemo na Tata twaya wenga.”
Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.
Mwata wakwe Leza onsi waya muli Klistu, mu untu wakwe,
Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.
Lelo Yesu nawe ayanena ati, “Tata lyonsi akacita vintu wakwe cii, acino nani kwene ndinzile kucita wakwe cii.”
Kwaya yakambone yatatu.
Cino tukusenula cakuti Leza akupanga mutende pakasi kakwe na antu muli Klistu. Nupya wene watupela mulimo uwa kusalanganya ilandwe ilya kupanga mutende.
Nkavwanga vintu vino Tata wandanga, lelo mwemo mukacita vino so wamunena.”
Leza umwisikulu camuzanzizye kuti u Leza wakwe onsi uye muli Klistu kwene.
Mu wanda ulya, mulamanya vino nemo na Tata twaya wenga, nga namwe kwene pamwi nani twaya wenga.
Yesu ayanena ati, “Vino nkasambilizya visi vyakwane, lelo vikafuma kuli Tata wino uwantuma.
Lelo ndakai mukulonda kunkoma pamulandu wakuti nkumunena mazwi ya cumi, yano nuvwile kuli Leza. Abulaamu atacisile vii!
Na wino wensi ali nu umi, ndi wantaila, wene atalafwa. Uzye wataila cii?”
Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”
Untaile lino nalanda vino Tata nani twaya wenga. Nanti untaile pa milimo ino nkacita.
Wino wensi atantemwa wene asyayela mazwi yane. Na mazwi yano muvwa yene yatafuma kunondi, lelo yafuma kuli Tata, wino uwantuma.
