Yoane 13:18 - Amazwi Yakwe Leza 2013

¹⁸ “Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Yoane 13:18 交叉參考

Masamu 41:9

Na yacuza yane kwene, apa mwenzo yano nataila kwene yano twalyanga nayo nu kumwa nayo, yati yansangukila.

Mateo 26:23

Yesu aasuka ati, “Wino amateela umukate pali pamwi nani mu lweso, aliwe amankoopa.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Mako 14:20

Yesu nawe aasuka ati, “Awenga uwa mwi kumi na yaili, wino amateela umukate pali pamwi nani mu lweso.

Yoane 13:26

Yesu aasuka ati, “Awiyo wino namatelela cimokolwa ca mukate nga mupele.” Caleka atoola cimokolwa ca mukate, atela mu lweso, acipeela kuli Yuda, mwana wakwe Simoni Iskalyoti.

Yoane 6:70

Yesu nawe avwanga ati, “Uzye ntamusolwile mwemwe ikumi na yaili? Lelo wenga uwa munomuli wene u Musomvi.”

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Mateo 10:36

Amu ng'anda ya muntu yalaya ali anisi yakwe aipisye.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Yelemiya 41:2

Isumeli umwana wakwe Netaniya pamwi na antu yaya ikumi yano yali nawe yakatukila nu kukoma Gedaliya umwana wakwe Aiikamu umwizikulu wakwe Syafani, ku lupanga. Fwandi yakoma umuntu wilya wino umwene waku Babiloni walasike umu mpanga ilya.

Mateo 26:21

Walanga yacili yakulya, Yesu ayanena ati, “Wenga uwa munomuli amankoopa.”

Mako 14:17

Lyene lino kwaya manguzi, Yesu aiiza na alondezi yakwe ikumi na yaili.

Mako 14:18

Lino yali pa cipango yakulya, Yesu ayanena ati, “Wenga uwa munomuli amankoopa, wiyo akulya pamwi nani.”

Luka 22:21

“Lelo lolini! Wino amankoopa wene tukulya nawe cimulo pa cipango pano kwene.

Yoane 13:21

Pacisila lino Yesu wavwanga vii, aaziwa cuze mu mwenzo, nga avwanga paswe ati, “Cumi namunena vino wenga uwa munomuli amankoopa.”

Yoane 13:22

Alondezi yacecetana, nga yasima mu myenzo pali vino wavwanga.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Yoane 18:32

Cii, cacitike kufikilizya mazwi yano Yesu wavwanzile pa kulanga musango wa mfwa ino wali nu kufwa.)

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Yoane 19:36

Cii cacitike kuti cifikiliziwe cino calembwa mu malembelo cikati, “Kusi ifupa lyakwe nanti lyonga ililavunwa.”

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

Milimo 1:16

“Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe.