Yoane 10:1 - Amazwi Yakwe Leza 2013

¹ Yesu avwanga ati, “Cumi namunena vino umuntu asyaingilila pa mulyango wa citata ca mfwele, lelo akakwela nu kwingilila pauze, wene umwivi nupya cipondo.

Yoane 10:1 交叉參考

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Ayebulai 5:4

Kusi umwi akaisolwela kupelwa mucinzi wa kuya Simapepo Mukulu. Suka sile waamwa na Leza, wakwe vino Aaloni wamilwe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

1 Petulo 1:10

Cali apa ufyusi kwene uu, uno yakasema yalondelezyanga mu kutekela nu kuuzya. Yene yasemile pamulandu wa nzila ino Leza alamutuulilamo.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Yelemiya 14:15

“Nemo nkukunena we Yelemiya vino nemo nasya ncite ku antu yayo yakasema yano nemo ntatala natuma, yayo akalanda vino nemo ntayanenyile. Yene yakalanda ukuti kutalapona inkondo nanti icipowe umu mpanga ii. Ala nemo ndayakoma uku lupanga nu ku cipowe.

Yowelo 2:9

Nga yatampukila umusumba uo, iyaukwelela papela ya malinga. Alino yingila muli cila ng'anda, ala yakukwela apa mawindo wa ivi.

Yoane 10:7

Nupya Yesu ati, “Cumi namunena vino nemo nene mulyango wakwingililapo mfwele.