9 luswepo lwa cumi lukakozya muno nsi pa antu onsi.
Nemo niza wa luswepo lwamu nsi, kuti wino wensi wantaila atakikale mu mfinzi.
Lelo isunde lino nkumulembela ndakai, lyene ilipya, pamulandu wakuti cumi caliko cikaloleka muli Klistu nga na munomuli. Pano mwati mulola ukuti mfinzi ikupita, nga nu luswepo lwa cumi nalo lwati lutandika mpiti kuyengesa.
Wene wali intulo ya umi, nupya umi wakwe wapile luswepo ku antu onsi.
Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”
Yoane wizile nga kambone kukupeela umboni pamulandu wa luswepo, kuti yonsi auvwa umboni wakwe yataile mwi landwe lyakwe lya luswepo kwene luu.
Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.
Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.
Yesu ayanena ati, “Cumi namunena vino asi Mose uwamupile cakulya kufuma kwiyulu, lelo Tata aliwe akamupeela cakulya ca cumi kufuma kwiyulu.
Ndi twati tusi na maifyo, ale twaisomba sweisikulu, nga ni cumi cisi munotuli.
Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.
“Nene mutingi wa cumi na Tata ali mulimi.
Mwi umba mwali ukutotozana cuze pamulandu na aliwe. Yamwi yati, “Wene umuntu musuma”, nga yauze nao yati, “Awe! Pano akupuulola antu.”
Lelo manso inu ndi yasi ningo, mili inu ilazulamo mfinzi. Caleka luswepo ululi munomuli ndi lwasenuka lwaya mfinzi, mfinzi iyo imaya ikulu cuze.
Mili inu yonsi ndi izilemo luswepo, ukwaula kuti cilundwa cimwi ciye mu mfinzi, Lyene cila cilundwa cilayengesa, wakwe vino ilampi likayengesa panomuli.”
