Yoane 1:51 - Amazwi Yakwe Leza 2013

⁵¹ Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Yoane 1:51 交叉參考

Utandiko 28:12

Alota akulola mutanto, ala cisinte cakweo cimikwe pansi nu lutwe lwauko lusintilile umwiyulu, nga na angeli yakwe Leza yamwi yakwika na yamwi yakukwela penepo.

Milimo 7:56

Ayanena ati, “Lolini! Nalola iyulu ililekuka nu Mwana wa Muntu aimi kwi kasa lilunji lyakwe Leza!”

Luka 22:43

Mungeli aloleka kunoli kufuma kwiyulu amukomelezya.

Luka 2:13

Lilyo kwene kuloleka mungeli ni iumba lyuze likulu lya angeli ya mwiyulu, yalumbanya Leza yati,

Mako 14:62

Yesu nawe aasuka ati, “Anene kwene, nga mulalola Mwana wa Muntu atenzi kwi kasa lilunji lyakwe Leza Wamaka yonsi nu kwiza mu makumbi mwiyulu!”

Mako 1:10

Lilyo kwene lino Yesu akufuma mu manzi, alola iyulu lyalekuka na Mupasi Wamuzilo akwika panoli mu musango wa nkunda.

Mateo 3:16

Lyene lino Yesu wawatiziwa, lilyo kwene afuma mu manzi. Lyene iyulu lilekuka, nga alola Mupasi Wamuzilo akwika panoli mu musango wa nkunda.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Milimo 10:11

Alola iyulu lilekuka nga ni cintu cimwi cikoline wa cisalu, ala cikwika pansi ku masempele yaciko yani.

Luka 3:21

Pacisila lino antu yawatiziwa, Yesu nawe awatiziwa. Lyene walanga akupepa, iyulu lilekuka,

Mateo 4:11

Alino Ciwa amusya, na angeli iiza yamutumikila.

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Luka 2:9

Lilyo kwene mungeli aloleka kunoyali, nu lulumbi lwa Mwene luyengesa panoyali, nao yuvwa intete cuze.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Yoane 10:1

Yesu avwanga ati, “Cumi namunena vino umuntu asyaingilila pa mulyango wa citata ca mfwele, lelo akakwela nu kwingilila pauze, wene umwivi nupya cipondo.

Luka 22:69

Lelo kufuma ndakai Mwana wa Muntu amaikala kwi kasa lilunji lyakwe Leza wa maka onsi.”

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

2 Tesalonika 1:9

Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Yoane 6:47

Cumi, namunena nati, wino uwataila munondi wene ali nu umi wape.

Luka 24:4

Lino yacili yakuzunguka cuze pali cii, mukupumikizya, antu yaili aonsi iimilila pa mbali yao ala yazwite vizwalo viyengese cuze.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Yoane 21:18

Cumi nakunena, vino wemo lino wali mulumendo wainyepanga musipi nu kuya kuno ukasi. Lelo lino ulakota, ulololola makasa yako nga umuntu muze alakunyepa nu kukusenda kuno utakasi kuya.”

Yoane 8:51

Cumi namunena nati, wino wensi akayela mazwi yane wene atalafwa.”

Yoane 6:32

Yesu ayanena ati, “Cumi namunena vino asi Mose uwamupile cakulya kufuma kwiyulu, lelo Tata aliwe akamupeela cakulya ca cumi kufuma kwiyulu.

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Yoane 13:16

Cumi namunena vino kusi muomvi alusile mwene wakwe, nanti nkombe yaluta wino waituma.

Yoane 10:7

Nupya Yesu ati, “Cumi namunena vino nemo nene mulyango wakwingililapo mfwele.

Yoane 6:53

Yesu ayanena ati, “Cumi namunena vino ndi mutangalya mwili wa Mwana wa Muntu nu kumwa wazi wakwe, mutangaya nu umi.

Yoane 5:27

Isi wamupeela insambu yakupingula milandu pano wene Mwana wa Muntu.

Yoane 5:19

Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Mateo 9:6

Nkasi musininkizye ukuti Mwana wa Muntu ali na maka muno nsi akwelela amaifyo.” Lyene avwanga ku cite ati, “Katuka, nyemula icintamba cako pitanga ukwako.”

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Yoane 16:23

“Pa wanda ulya, mutalanguzya pamulandu wa cintu cili consi. Nkumunena cumi vino Tata alamupeela consi cino mulamulenga mwi zina lyane.

Yoane 13:38

Yesu aasuka ati, “Uzye wati uiteyanya ukufwa pamulandu wane? Nakunena vino lino mukolwe atacili alamule wemo umankana maila yatatu ale ukuvwanga vino utamanyile.”

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

Yoane 8:34

Yesu ayanena ati, “Cumi, namunena vino wensi akaifya wene umuzya wa maifyo.

Yoane 6:26

Yesu aasuka ati, “Cumi namunena nati musikundondela pamulandu wakuti mwaweni vilangililo, lelo pamulandu wakuti mwalile mikate mwikuta.

Yoane 1:50

Yesu amuuzya ati, “Uzye, wataila pano nakunena vino nali nkuweni mwisika lya musamvu? Ulalola vicitwa vilusile cii.”