30 Wii awino nalandanga, inti, ‘Umwi ali nu kwiza. Wene umukulu kunduta, pano wene waliko lino nemo ntali mvyalwe.’
Wene akwiza pacisila cane, lelo ntaine kusapula mikonda ya ndyatu zyakwe.”
Yoane wapile umboni pamulandu na aliwe. Wene walaizye ati, “Wii, awino nalandanga inti, ‘Wino akwiza pacisila cane wene umukulu kunduta, pano wene waliko lino nemo ntali mvyalwe.’”
Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.
Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.
Nani ntamumanyile. Uli mulandu uno niza nkuwatizya na manzi kuti aina Izlaeli yangamumanya.”
Antu aingi iiza kunoli yamunena yati, “Yoane atacisile cilangililo. Lelo vintu vyonsi vino Yoane wavwanzile pamulandu nu muntu wii vyali vya cumi.”
