Yelemiya 9:8 - Amazwi Yakwe Leza 2013

⁸ Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Yelemiya 9:8 交叉參考

Masamu 28:3

Utankululula nu kunsendenkanya pamwi na aipe, yakaleta tweo. Yene yakalanda ivya longo uku yauze, lelo ala umu myenzo yao muli ulupato.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Masamu 120:3

Uzye Leza alacita cani kuli mwemwe, mwe antu asomvi mwe? Uzye wene alamuvunuka uli?

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Masamu 64:8

Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

Masamu 35:20

Imvwango zyao uku antu atemwa umutende, izya vyongo vyongo sile, nu kulondelezya sile inzila zyonsi umwa kuyatumpwila.

Mapinda 25:18

Akaimilila umuze umboni waufi, wene akoline ni sumo nanti nu lupanga nanti nu luceto.

Yelemiya 9:4

“Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Masamu 12:3

Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.

Masamu 62:5

Nemo a Leza sile wenga, ali wino nikalilila, nupya ali wino nataila.

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.