Acino naponya icilala panonsi ponsi, pa vyalo vinu vyonsi vya ngano, ni vyalo vya matingi ni miti ya miolivi nga alino na pavimelwa vyonsi vyapano nsi pa musili, nivya vilimwa vyonsi nga na pa antu yonsi ni nyama kwene.”
Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.
Icalo ca matingi icakwata amaekita yaili umu utali mulafuma sile mwenemo ivifenwa vya matingi ivingalingana sile na malita yani na citika. Umu matepe ikumi lyonga a mbezu mulazombola sile uzombozi wi tepe lyonga mpo.”
Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”
Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”
Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”
