Yelemiya 8:12 - Amazwi Yakwe Leza 2013

¹² Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 8:12 交叉參考

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Oseya 5:9

Efulemu alasanguka icitumba apa wanda wa kuvunukwa. Mwe ina Izlaeli cumi kwene nkumunena ukuti cii cilacitika.

Ezaya 24:2

Kuli wensi cili nu kuya icili conga. Kuli yasimapepo nu ku antu, ku asambazi nu ku azya kwene. Uku akote nu ku ance kwene. Kuli yakakala na kuli yakakazya kwene. Kuli yakakongwesya na kuli yakakongola kwene. Kuli yakaazima na kuli yakaazimisya kwene. Uku apina nu ku akama kwene.

Yelemiya 6:21

Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.

Yelemiya 44:10

Alino lyene ukufika na pilelo mwemo mutazenzuka foo. Mutankwatila icoopo, nupya musilondela amasunde yane yano napiile kuli mwemwe nu ku vikolwe vinu.

Ezekelo 23:18

Lyene atandika ukuisenekezya kuli yonsi nu kuitasya pa uzelele wakwe. Nani insuka lyene imutendwa, ndi vino camfuulile kuli kaci muze.

Utandiko 19:34

Katondo nyinalenzi alandila umuto ati, “Nemo nalinalala na tata usiku. Nupya leka tumukolesye ni lelo kwene usiku kuti nawe kwene ucite wakwe vino nacisile. Lyene swensi tungavyala ana kunoli.”

Yelemiya 14:15

“Nemo nkukunena we Yelemiya vino nemo nasya ncite ku antu yayo yakasema yano nemo ntatala natuma, yayo akalanda vino nemo ntayanenyile. Yene yakalanda ukuti kutalapona inkondo nanti icipowe umu mpanga ii. Ala nemo ndayakoma uku lupanga nu ku cipowe.

Yelemiya 23:12

Ali cino fwandi umu nzila yao mulazula iviwina. Lino yapamviwa ukupita mwenemo umu mfinzi, yalapona. Pasi pano umwaka wakuyavunuka lino ulafika, ndayaletela uononesi. Ivyalanda ne Yawe.