Yelemiya 7:8 - Amazwi Yakwe Leza 2013

⁸ Lelo si lolini, vino mwemo mukutaila mu mazwi ausomvi nupya asi yampomvu.

Yelemiya 7:8 交叉參考

Ezaya 28:15

Mwemo mukuyuvwa ukuti mukauvwana ni mfwa, mukuti mwapangana ni mpanga ya afwe. Mwemo mwasininkizya ukuti lino icinkunka ciliza, mwemo citalamukuma foo. Pano mwikalilila sile ufi nu ucenjenzi apakuti ali vino vyamupokololako.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 23:26

Uzye kwene ufi wamusango uu ulatwalilila ukufika lilaci, umu myenzo yakwe yakasema yano yakasema vyaufi, yayo akasema vyausomvi vyamu myenzo yao aeneco?

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Ezaya 30:10

Yakanena yakalola yavilolwa, iyati, “Mute ukulola ivilolwa!” Nga na kuli yakasema nako iyati, “Mwemo mute ukutunena ivintu vyacumi, ivikatucisa uku myenzo. Mwemo mwatunena ivikatusansamusya. Muleke sile swemo twacita vino tuweni ukuti avino vyati vilola mwenemo.

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.