Yelemiya 7:22 - Amazwi Yakwe Leza 2013

²² Pano lino nafumizye ivikolwe vinu mu Eguputo, ntayanenyile nanti cimwi nupya ntayapiile ni sunde apa mpolelwa zyakoca na pa mpolelwa zyuze zyasyala.

Yelemiya 7:22 交叉參考

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Mako 12:33

nu muntu alinzile kutemwa Leza nu mwenzo wakwe onsi, na mano yakwe onsi, na maka yakwe onsi, nga nu kutemwa umuze ndi vino waitemwa. Kuyela Masunde ya yaili kwaluta impolelwa zya koca nga nu wila onsi.”

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.