Yelemiya 6:4 - Amazwi Yakwe Leza 2013

⁴ Yene yalati, “Aleni muiteyanye ku kumulwisya! Katukini tumulwisye lino ilanzi lili umutwe papela.” Lelo lyene yalavwanga yati, “Iye mwe, caipa pano ilanzi lyatemba ni vinzingwa vya manguzi navyo vyatalimpisya.

Yelemiya 6:4 交叉參考

Yelemiya 15:8

Yamukamfwilwa yao yatiyavulilako umu mpanga ilya, ukuluta umusensenga uwamu nkumba yakwe yemba. Nakomile ana inu alumendo apa vilumba vyao, nu kuleka kuti yanyina yacule. Umu kupumikizya nayaponyezizye kunyunguluka nga ni ngofyo.

Zefaniya 2:4

Umusumba wa Gaza mutalasyala umuntu, nu wa Asyikeloni ulasyala icipompa. Lino ilanzi lilafika umutwe pakasi umusumba wa Asyidodi mutalasyala nanti cimwi, na ikazi yamu musumba wa Ekiloni yalazingwa mwenemo.

Yowelo 3:9

“Umini imbila ii pakasi ka nko zyuze muti, ‘Iteyanyizini ukulwa inkondo, amini ivita vinu vyamaka. Asilika yonsi yapalame, yatandike ukulwa.

Yelemiya 8:20

Antu nayo ali pakutaizya iyati, “Ala insita yakuzombwelapo ivyakulya yatipitingana, icisanya naco caticisila. Lelo swemo tutatala twapusuka, awe.”

Yelemiya 5:10

Yangini musalale mu vyalo vyao vya matingi, Vyononini lelo mutavimalila. Putulini insaala pano zisi zyakwe Yawe.

Lwimbo lwakwe Solomoni 2:17

Welulukila kunondi, we mukundwe wane, lino umuza wapa macaca utali ukatuke, lino ni mfinzi itali iyanduluke. Pakwiza utampoke wakwe mpombo nanti wakwe taala apa myamba pano pakamela maluwa ya mununko usuma.

Yelemiya 6:23

Yene yalasenda amalapwa na masumo mu minwe. Yene akalale nupya yasi nu luse. Yalaangula icongo kwati ukulunkuma kwakwe yemba mukalamba, lino yakupita pa mfwalasi. Yene yatiyaiteyanya ukukulwisya Yelusalemu.”

Yelemiya 15:9

Nyina wi kwata cinimbali alazyenguka, mpaka umwenzo ukuputuka. Uluswepo lwakwe lwa kasanya lulasanguka imfinzi. Wene insonyi zilamulema mpaka azewane. Yao aalasyala impondo, yalayamalila ku anisi yao. Ne Yawe natindanda.”

Obadiya 1:1

Uu, uli usemo wakwe Obadiya wa pali vino Yawe Simwandalali walanda pa kuvunukwa kwa luko lwakwe Edomu. Yawe watatuma inkombe zyakwe ku antu amu nko zyonsi, nga naswe twatituvwa amazwi yakwe akuti, “Iteyanyini! Tuyini tukalwisye aina Edomu!”

Yobo 7:2

Ndi vino caya umuomvi akakumbwa ukwikala umu cisao, ala akulolela ukufola amalipilo yakwe,

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”