Yelemiya 6:16 - Amazwi Yakwe Leza 2013

¹⁶ Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yelemiya 6:16 交叉參考

Ezaya 30:21

Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Malango 32:7

“Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yelemiya 18:12

Lelo yene yalaasuka yati, ‘Ala ukuicuzya sile! Tumatwalilila ukucita vino tukulonda. Cila wenga uwa munotuli amatwalilila nu kutalama kwa mwenzo wakwe.’ ”

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 44:16

“Swemo vino watunena umwi zina lyakwe Yawe, twakana, tusikulondela izwi lilyo.

Ayebulai 11:2

Pa utailo wao apano Leza wavwangile antu yampiti visuma.

Yoane 13:17

Ndakai mwati mumanya vintu vii, nga ndi mukuvicita mulaya alongo.

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Luka 16:29

“Abulaamu ati, ‘Anyonko yakweti mpapulo zyakwe Mose na yakasema zya kuyasoka. Leka yuvwe ivyaya mwenemo.’

Ezaya 28:12

Mwemo mwensi Leza waleka ukuti mwaipuzila mu longo lelo mwemo mwakana ukuvwa kunoli.

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Loma 4:12

Cii, calenga kuti Abulaamu aye cikolwe cakwe na yao kwene asilamulwa, asi pamulandu wakusilamulwa. Lelo pano yakapita mu umi wa utailo uno Abulaamu cikolwe citu wali nao lino atali kuti asilamulwe.

Yelemiya 2:25

Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

1 Yamwene 8:36

wemo ulinzile wayuvwa kuko kuno wikala ukwako kwiyulu. Uwayelela aomvi yako uluse, aina Izlaeli. Uwayasambilizya ukucita ivintu visuma, uwaleka ni mvula ukutonya pa mpanga ino we mweneco watupile, swe antu yako yano waisolwela, kuti ingaya icaupyanyi citu.

Masamu 116:7

Awe cumi lyene nisya umwenzo, pano umwene wancitile ivizipe.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 31:21

Simpa ivipampa ivyakulangilila inzila, uike nu lukomelo. Iusya ningo inzila muno wapisile. Siwela we mukazyana nacisungu, we Izlaeli. Welulukila ku misumba yako, ii.

Yelemiya 42:3

Tulengeleko uleke Yawe Leza wako atunene kuno tungaya na vino tungacita.”

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

2 Milandu 19:11

Lyene Amaliya, Simapepo Mukulu, awino alamutungulula pali vyonsi ivikumile Yawe. Zebadiya umwana umonsi wakwe Isumeli, intunguluzi ya mutundu wakwe Yuda, aliwe akalolekesya vyonsi ivikumile umwene. Alino aina Levi nayo yalamuombela wakwe yakapaso. Mwacita vii nu mwenzo ufumaluke, nga Yawe si angala aye na wensi wino akacita ivisuma.

Ezaya 46:9

Mwaiusya ivintu vino vyacitike mpiti. Ali kuti mwasininkizya ukuti nene indi Leza, nene nenga mpo, nupya kutaya namuze uwalingana nani.

Ezaya 57:2

Antu yano yakaikala imikalile isuma, yene yakasyukila uwikalo usuma, ni syuko lya kupuza lino yafwa.

Yelemiya 7:3

Yawe Wamaka yonsi, Leza wa ina Izlaeli, akuti, “Senulini imiyele inu ya wikazi nga ni vicitwa vinu vino mukucita, nga nani namazumilizya kuti mutwalilile ukwikala mu ncende ii.”

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.