Yelemiya 51:2 - Amazwi Yakwe Leza 2013

² Namatuma ainamasi uku Babiloni ku kwelulula aikazi ya mwenemo, ndi vino umuza ukaelulula cungu mu malezi. Uwanda uo uwa ononesi ndi waca wafika, yalayazanza konsikonsi nu kusya impanga mwanku umwaula nanti cimwi.

Yelemiya 51:2 交叉參考

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Yelemiya 15:7

Ndayulula nu mutumpulo apa mpongolo zya misumba ya mpanga ii. Nimpoka mwe antu yane ana nu kumulovya, pamulandu wakuti mutatiile imisango inu iipe.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Yelemiya 50:32

Mwe antu amu mutundu wacilumba, mumatangananga sile nga nu kupona mumaponanga. Nu wakumukatusya kutalaya. Nemo namaoca imisumba yonsi ni vintu vyonsi, ivyaya umu mbali mbali navyo kwene vili nu kupya.

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.