Yelemiya 5:3 - Amazwi Yakwe Leza 2013

³ Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 5:3 交叉參考

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Zefaniya 3:7

Nelenginye ukuti cumi kwene lyene antu yane yamangoopa, nu kufukila kusunda kwane, nu kuti yene yatalatala yilile amalamulo yane. Lelo yene yakweti insuna yakutwalilila ukucita iviipe, muli vyonsi vino yacitanga.”

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Mapinda 27:22

Nanti sile wapondenkanya iciwelewele na cisaka umu cina, uwelewele wakweco utangafuma.

Mapinda 23:35

Lilyo ale akuzamboka akuti, “Yatiyanguma uluma, lelo cisikuwaya! Yatiyantimbola, lelo nsikuvwa ukuwaya nanti kumwi! Uzye alilaci lino namakatuka? Nkweti insuna yakumwa waini namuze.”

Mapinda 22:12

Amanso yakwe Yawe yakawaka antu amanya ivintu ningo. Lelo amazwi ya muntu waufi akayavulunganya.

Mapinda 21:29

Umuntu mwipe akaloleka wa muntu umukamuke. Lelo umuntu musuma wene akaika amano uku mipitile yakwe.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

Aina Levi 26:23

“Ndi pacisila ca kuvunukwa kuu mucili mukukana kuvwa kunondi, mwatwalilila ukunsula,

2 Yamwene 1:13

Acino umwene wilya atuma musika mukulu uwa vita namuze pamwi na antu yakwe amakumi yasano. Lelo musika uwa vita wii wakwe citatu atumbela nga aya afukama pa ngazo zyakwe Eliya. Alino amupapata ati, “We muntu wakwe Leza, napapata utangonona pamwi na antu yane yaa amakumi yasano.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Yelemiya 35:13

“Yawe Wamaka yonsi, Leza wa ina Izlaeli wavwanga wati, ‘Yanga ukanene antu yakwe Yuda na ikazi amu Yelusalemu ukuti, Uzye musyakulonda kupokelela ilamulo lyane nu kuvwa izwi lyane.’ Ivyalanda Yawe.

Ezekelo 2:4

Antu yaa, yakoma imitwe nu kuumalala imyenzo, ali yano nkukutumako kuti ukayanene vino ne Yawe Simwandalali nalanda.

Danieli 9:13

Ndi vino calembwa mu Masunde yakwe Mose, uononesi uu onsi watuponela, lelo na ndakai kwene, we Mwene, tutezya ukukuzanzya apa kuzenzuka ku maifyo itu nu kusumbako amano ku cumi cako.

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Utandiko 19:34

Katondo nyinalenzi alandila umuto ati, “Nemo nalinalala na tata usiku. Nupya leka tumukolesye ni lelo kwene usiku kuti nawe kwene ucite wakwe vino nacisile. Lyene swensi tungavyala ana kunoli.”

1 Yamwene 13:33

Pacisila ca milandu yonsi iyo, Yeloboamu umwene waku Izlaeli atatiile imisango yakwe iipe. Wene watwalilile ukwika na antu pali usimapepo apa ncende zino yakapepela mwenemo, yao atalinzile. Wensi wino umweneco watemwa amupeela usimapepo wa pa kavuwa.

Masamu 51:8

Sileka nuvwe nupya uluzango nu kusansamuka. Nu mu mafupa yane umuvungoke, ince nacina nupya ne mulanda.

Masamu 55:20

Wiyo uwali umunji mpiti, aliwe akaimilila yacuza yakwe, nu konona vino walanga yapangana nayo.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 15:7

Ndayulula nu mutumpulo apa mpongolo zya misumba ya mpanga ii. Nimpoka mwe antu yane ana nu kumulovya, pamulandu wakuti mutatiile imisango inu iipe.

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Yelemiya 44:10

Alino lyene ukufika na pilelo mwemo mutazenzuka foo. Mutankwatila icoopo, nupya musilondela amasunde yane yano napiile kuli mwemwe nu ku vikolwe vinu.

Amosi 4:8

Caleka antu amu misumba iili nanti itatu ndi yakatuka ukuya ku musumba umwi, kuti yakamwe amanzi, ulusala lwao lutaputukanga awe. Lelo nalyo kwene mwemo mutawezile kunondi. Avino Yawe wavwanga.

Amosi 4:9

“Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Amosi 4:10

“Namuponyezizye impungo ya ndwala wakwe ilya ino naponyezizye aina Eguputo. Nakomisizye alumendo inu umu nkondo, natungulwile ni mfwalasi zinu uku anisi inu. Namununsyanga ni fungo lya vyala ilyafumanga mu nkambi ya asilika. Lelo mutawezile kunondi. Avino Yawe wavwanga.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.