Yelemiya 5:12 - Amazwi Yakwe Leza 2013

¹² Antu yakwe Yawe yatiyamukana nga yavwanga yati, “Kusi cino Yawe alacita nupya kusi iciipe cimwi icilatuponela. Tutalatala tuponelwe ni nkondo nanti cipowe.”

Yelemiya 5:12 交叉參考

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

1 Samueli 6:9

Lelo musumbeko amano nu kulola. Ndi cakuti icikocikala cici calungama ku musumba wa Beti Syemesyi, ale lyene Yawe watatuponyezya uzanzo uu ukulu. Lelo ndi cakuti citalungime kweneko, ale lyene tumamanya ukuti asi aliwe uwatuponyesizye uzanzo. Lelo cali sile wa mankomenkanya.”

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Ezekelo 13:6

Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Yelemiya 28:4

Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Masamu 10:6

Umu mwenzo wakwe akavwanga ati, “Insi wakutenta. Ntalaponelwa ni ntazi.”

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 43:1

Walanga sile lino Yelemiya wamala kuyanena amazwi yonsi yakwe Yawe Leza wao, yano wene wamunenyile ukuyanena,

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.