Yelemiya 48:2 - Amazwi Yakwe Leza 2013

² Moabu yatalamulumbanya nupya. Umu Hesyiboni ali muno yakupangila ukuwisya umusumba wa Moabu. Yakuti, ‘Izini kuno, lekini tulovye uluko lulu.’ Namwe kwene, mwemuno mwikala mu Madimeni, yalamulenga ukuya cele. Ivita vilamuzinganya ku lupanga.

Yelemiya 48:2 交叉參考

Yelemiya 31:36

Ivipope vino natantika ndi vyafuma pa manso yane, ale uluko lwa ina Izlaeli nalo kwene lwalowa, lwata ukuya umutundu wane.” Ivyalanda ne Yawe.

Ezaya 16:14

Nupya na pilelo Yawe akuti, “Pa myaka itatu sile, iyakupenda wa myaka ya muntu wa ncito, uwene ucindamisye uwa mpanga ya Moabu ulazewana. Nanti angakwata antu avule wakwe cimwi, lelo yalasyala ancepelwa sile, anyaluluke nupya aulwa na maka.”

Mpendwa 32:37

Aina Lubeni nayo iyakuululula imisumba ya Hesyiboni, Eleale, Kilyataimu,

Yelemiya 49:3

“Mwe ina Hesyiboni, losyini! Ai wataononwa! Mwe anaci amu Laba, pundini muipombelekezye ivisamu mu misana. Losyini, mwalukuzeuluka kuu na kuu, mukasi ki liinga. Pasi pano lyene Milikomu akuya umu uzya, kumwi na yasimapepo ni ntunguluzi zyakwe.

Yelemiya 48:45

Imbutusi azizyo zimilila mu cisao ca Hesyiboni nupya zyatizitonta, pano umoto watiufuma mu Hesyiboni, icimbilimbili caticifuma pakasi kakwe Siooni. Umoto watioca amausyu ya ina Moabu, nu tupanga twakwe yakawawata ya lwete.

Yelemiya 48:42

Moabu alononwa wa luko, pamulandu wakuti wene wasangukila Yawe.

Yelemiya 48:17

Mulililini mwensi mwe inipamba lyakwe, mwensi mwemuno mwamanya izina lyakwe mule muti, ‘Iye mwe! Intuwa yakwe ya maka vino yakontoka! Intuwa yakwe iya wene wa ucindami!’

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Yelemiya 33:24

“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Yelemiya 25:17

Fwandi nani ali pakutoola ulwako ku minwe yakwe Yawe nu kumwesya imitundu yonsi ino Yawe wantumile kweneko.

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Ezaya 25:10

Yawe alacingilila umwamba uu ni kasa lyakwe, nga lelo aina Moabu alayalyatola ndi vino insawa zikalyatolwa muli citindi umu ciwina.

Ezaya 15:5

Awe icumi umwenzo wane ukulilila aina Moabu! Antu yatiyasaamila ku musumba wa Zoali, ukufika nu ku Egilati Syelisyiya. Yamwi yatiyatumbela umuseo wa Luiti, ala yafumile yakulila muno yaile. Yamwi yatiyutukila uku Holonaimu, ala yakupongomoka wakwe cimwi!

Ezaya 15:1

Amazwi asowilwe pamulandu na Moabu. Lino yacimvizye umusumba wa Ali nu wa Kili mu mpanga ya Moabu, usiku wa wanda onga kwene, Moabu wensi wali cele.

Yelemiya 49:37

Indoofya aina Elamu pa cinso ca anisi yao, apa cinso cakwe yano yakapangila kuyakoma. Ndayaletela ulanda, icipyu cane cikalipisye. Ndayalondelela nu lupanga, suka sile ince njalovye pyu. Ivyalanda ne Yawe.