Yelemiya 47:3 - Amazwi Yakwe Leza 2013

³ Apa kuvwa imitinti ya mfwalasi ni congo ca maceleta, nu kukolokonsya kwa mipeto, awe cumi icaulanda. Ya isi ya ana kusi kwiusya ana yao. Amakasa yao yatiyatemboka.

Yelemiya 47:3 交叉參考

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Yakapingula 5:22

Lyene imfwalasi ziiza zila zikuciloka, izilyatola umusili ni nkamba zyaziko.

Naumi 2:4

Amaceleta yao yakaleluka umu miseo. Yakapita ulwilo yala yakuya inkolelo nga ni cundansizi umu misolo. Yene yakaengesa wa lukozyo nu kumyantula wa nkuwa.

Yelemiya 46:9

Kalaukini mwe mfwalasi, namwe maceleta zingulusini imipeto. Ingilini umu nkondo mwe vita, mwe ina Kusyi na mwe ina Libya, ale musenzile ni visolelo umu minwe. Kumwi namwe kwene mwe ina Lidya mwemuno mwacenjela ukukana malapwa nu kufiika inceto.

Umbwilo 9:9

Pa vifuwa vyao ponsi pali mamba alolike wa vicingo vya cela. Ukulila kwa mapa yao kwali wi zwi lya maceleta aingi akutintwa ni mfwalasi izikusimwila ku ulwi.

Yelemiya 50:42

Yasenzile amalapwa na masumo. Antu yamwi akakate, nu luse yatakwata. Imitinti ya mfwalasi zyao ikuvwika kwati a yemba uwatakatusya amaimbi. Yene yakwizila Babiloni.

Ezekelo 23:24

Yalakwizila ukufuma ku kayeya, yalaya na maceleta ni vyakusendelamo iviya. Yene yalazwalila ivyaulwi, vimpompo pakukulizizya. Nene ndayanena uku kupingwila, nga nayo yalakupingwila kulingana na masunde yao.

Naumi 2:8

Antu amu Ninive yali wa ciziya, icati cipongoka na manzi yakweco yakwikilila. Antu yamwi yakupunda yati, “Imililini! Imililini!” Lelo kutali uwakuswilila mwenemo.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.