Yelemiya 42:6 - Amazwi Yakwe Leza 2013

⁶ Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Yelemiya 42:6 交叉參考

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Masamu 128:2

Wene alalya vino amakasa yakwe yaomvile, alasansamuka nupya ivintu vilamuzipila wakwe cimwi.

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Malango 5:27

Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’

Yelemiya 22:15

Uzye ukuvulilwa imikelide cakulenga ukuya umwene uwaluta antu yauze? Uzye so atailyokizye vyakulya ni vyakumwa? Wene wacitanga ivisuma ni vyaulungi. Caleka wali nu longo muli vyonsi.

Yelemiya 43:4

Acino Yoanani umwana umonsi wakwe Kaleya pamwi ni ntunguluzi zya vita zyonsi na antu yonsi, yakana ukuvwa ku mazwi yakwe Yawe ukuti yasyale mu mpanga ya Ayuda.

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.